Kirolbet Baskoniak ez dio aukerarik eman Olympiakos ezezagun bati (82-66)
Kirolbet Baskoniak garaipena lortu du ostiral honetan Olympiakosen kontra (82-66), Euroligako laugarren jardunaldian, Buesa Arenan denboraldi honetan jokatutako lehenengoan. Tornike Shengelia izan da neurketako protagonista nagusiena 25 puntu, 9 errebote eta 28ko balorazioa lortu baitu.
Georgiarra, gainera, ez da bakarrik egon, Youssoupha Fallek ere neurketa ederra jokatu baitu, 8 puntu sartu, 16 errebote harrapatu eta 23 puntuko balorazioa lortuta. Senegaldar gazteak lehia ikusgarria izan du Nikola Milutinov Olympiakoseko pibot serbiarrarekin. Milutinov izan da, hain zuzen ere, bere taldeko erregularrena (9 puntu, 10 errebote eta 20ko balorazioa). Greziarrek, gainera, mendekotasun gehiegi erakutsi dute Brandon Paulen inspirazio eta puntu-jarioarekiko (15).
Horrenbestez, Velimir Perasovicen taldeak partida oso ona jokatu du, defentsan oso serio aritu da, eta saski bien azpian izan duen nagusitasuna baliatu du bere lehen abantailak lortzen joateko, eta ordutik aurrera ez dio utzi markagailuan agintzen joateari uneoro.
Garaipen horrekin gasteiztarrek euren balantzea berdindu dute (2-2), eta zazpigarren postura egin dute salto. Gaurkoan ikusitakoaren arabera, argi geratu da taldeko pieza guztiek ondo funtzionatuz gero, Baskonia talde gogorra izango dela edozein aurkarirentzat.
Fitxa teknikoa:
82 - Kirolbet Baskonia (23+18+17+24): Henry (12), Stauskas (11), Shields (4), Shengelia (25) eta Eric (1) –hasierako bostekoa–, Vildoza (10), Janning (2), Diop (-), Fall (8), Garino (7) eta Polonara (2).
66 - Olympiacos (21+15+13+17): Spanoulis (10), Paul (15), Cherry (10), Printezis (8) eta Milutinov (9) –hasierako bostekoa–, Punter (2), Wade Baldwin (-), Koniaris (-), Vezenkov (-), Papanikolau (-), Kuzminskas (2) eta Rubit (10).
Epaileak: Damir Javor (Eslovenia), Mehdi Difallah (Frantzia) eta Michele Rossi (Italia). Ez dute inor kanporatu.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.