Azken hasperenean irabazi du Baskoniak Teneriferen aurkako partida
Baskoniak irabazi egin du Teneriferen aurkako Endesa Ligako partida, eta garaipenaren bideari eutsi dio berriz Euroligan Olympiakosen aurka azken norgehiagokan lortutako garaipenari jarraipena emanez.
Henry, Stauskas, Garino, Shengelia eta Fall izan dira Perasovicek partidari ekiteko aukeratutakoak. Lehen laurdenean, Baskoniak aurrea hartu du norgehiagoka hasi bezain pronto, eta alde izan du markagailua Txus Vidorretaren taldeak berdindu arte. Hortik aurrera, parekatuta aritu dira biak ala biak, eta laurdena bukatu aurretik, Tenerifek bere alde jarri du markagailua, baina, azkenean, berdinduta eman diote amaiera lehen laurdenari (18-18).
Bigarren laurdenean, Perasovicek gidatutako taldeak asmatu egin du, eta, jokalarien koordinazioari esker, emaitza alde jarri du. Azkenean, aldea zertxobait handitu dute, eta 33-38 bukatu da bigarren laurdena.
Atsedenaldiaren ostean, errentaz baliatu da Baskonia aldea handitzeko, baina Tenerifek ezustekoa eman dio, eta puntu bat gora jarri da. Gorabehera, aldiz, ez da bere horretan gelditu, eta Tenerifek bereak eta bi egin ditu hirugarren laurdeneko azken emaitza bere alde jartzeko (61-60).
Azken laurdenean, berriz, gasteiztarrek ez dizkiote gauzak batere erraz utzi Vidorretaren taldeari, eta, nor baino nor gehiago aritu ondoren, puntuek urrezko zaporea hartu dute. Azkenean, Baskoniak puntu bategatik irabazi du (78-79), Euroligako garaipenari jarraipena eman eta Endesa Ligan ere irabaztea lortuz.
Fitxa teknikoa:
78. Iberostar Tenerife (18+15+28+17): Huertas (22), Salin (8), Diez (12), Suarez (1), Shermadini (16) –hasierako taldea–, Lundberg (9), Yusta (5), Lopez (1), Atkins (4), Guerra (-) eta Gielo (-).
79. Kirolbet Baskonia (18+20+22+19): Henry (24), Slauskas (1), Garino (21), Shengelia (20), Fall (8) –hasierako taldea–, Vildoza (3), Janning (-), Diop (2), Shields (-) eta Polonara (-).
Epaileak: Perez Pizarro, Oyon eta Baena. Teknika adierazi diote 5. minutuan Txus Vidorreta Iberostar Tenerifeko entrenatzaileari.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.