Baskoniak galdu egin du Real Madrilen aurka, azken segundoan
Kirolbet Baskoniak porrota jaso du Real Madrilen aurka (89-91) Endesa Ligako 7. jardunaldian. Ondorioz, hiru garaipeneko eta lau porroteko balantzearekin geratzen da Arabako taldea Endesa Ligan.
Norgehiagoka erritmo biziarekin hasi da, eta Baskoniak hartu du abantaila hasi eta lasterrean (7-2). Real Madrilek, ordea, bikain erantzun du, 12 puntu jarraian sartuta, eta zazpi puntuko abantaila eskuratuta (7-14). Ondoren, Arabako taldeak aldeak murriztu ditu, puntu bakarrera kokatu delarik (13-14). Lehen laurdeneko azken minutuak parekatuak izan dira, eta Real Madril aurretik (21-23) iritsi da lehen hamar minutuen amaierara.
Oso gaizki ekin dio bigarren laurdenari Kirolbet Baskoniak, eta bikain Real Madrilek, Pablo Lasok zuzentzen duen taldeak 11 puntuko errenta eskuratu baitu (21-32). Talde gasteiztarrak bolada txarra etetea lortu du, desabantaila zazpi puntura murriztuta (31-38) atsedenaldira heltzeko hiru minutu t’erdi geratzen zirenean, baina minutu horietan jaun eta jabe izan da Real Madril eta 13 puntuko errenta eskuratu du (34-47).
Atsedenaldia bikain etorri zaio Perasovicek zuzentzen duen taldeari, eta hiruko jaurtiketetan asmatuta, desabantaila hiru puntura murriztu du Baskoniak (44-47). Norgehiagokako 25. minutuan, lehia berdintzea lortu du talde gasteiztarrak (51-51). Laurdenaren erdialdetik aurrera, Baskonia izan da nagusi. Defentsan sendo ibili dira Perasovicek zuzentzen dituen mutilak, eta erasoan ere asmatu dutenez, aurretik iritsi dira azken laurdenera (70-65).
Real Madrilek indartsu ekin dio amaierako laurdenari, eta puntu bakarrera gerturatu da (71-72). Ondoren, Kirolbet Baskoniak errenta hartu du (78-73), baina Madrileko taldeak neurketa berdindu (78-78), eta aurrea hartu du (78-80) amaierarako bost minutu falta zirenean. Hala ere, Kirolbet Baskonia aurretik heldu da azken bi minutuetara (87-85). Baskoniak errenta handitzeko aukera izan du, baina ez du asmatu, eta Llullek lehia berdindu du (87-87). Partida berdinduta (89-89) iritsi da azken segundoetara; Real Madrilek izan du jabetza, eta Deckek garaipena eman dio Real Madrili (89-91) azken segundoan sartu duen saskiratzearekin.
Fitxa teknikoa:
89 - Kirolbet Baskonia (21+13+36+19): Henry (13), Stauskas (2), Garino (-), Shengelia (20) eta Fall (8) -hasierako taldea-, Vildoza (15), Janning (18), Polonara (-) eta Eric (13).
91 - Real Madril (23+24+18+26): Laprovittola (3), Causeur (5), Deck (8), Randolph (22) eta Mickey (5) -hasierako taldea-, Rudy (8), Campazzo (7), Garuba (12), Carroll (3), Tavares (-), Llull (15), eta Taylor (3).
Epaileak: Alberto Sanchez Sixto, Fernando Calatrava Cuevas eta Jose Antonio Martin Bertran. Ez da kanporaturik egon.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.