Kirolbet Baskoniak ez dio aukerarik eman Khimkiri (104-86)
Kirolbet Baskoniak irabazi egin dio Moskuko Khimkiri ostegun honetan, Euroligako 25. jardunaldian (104-86), eta txapelketan aurrera jarraitzeko ia aukerarik gabe utzi Errusiako taldea.
Gasteiztarrek hirugarren laurden aparta jokatu dute (38-16), partida erabakitzeko balio izan duena.
Garaipen horrekin play-offetara sailkatzeko bidean zuzeneko arerio bat utzi du atzean Baskoniak atzean, eta lehen aldiz balantze positiboarekin jarri da, 13 partida irabazi eta 12 galduta.
Perasovicen mutilek seigarren tokira egin dute jauzi sailkapenean; dena den, eurekin batera beste bi talde daude berdinduta: Armani Milan (zazpigarren) eta Olinpiakos (zortzigarren).
Johannes Voigtmann eta Vincent Poirier pibotek lan aparta egin dute saskipean, eta berebiziko garrantzia izan dute neurketa etxekoen alde buka zedin. Alemaniarrak 16 puntu, 9 errebote eta 9 asistentzia pilatu ditu, 31ko balorazioa bereganatuta. Frantziarrari dagokionez, 18 puntu sartu, 11 errebote hartu eta 28ko balorazioa lortu du.
Baskoniak Buesa Arenan jokatuko du datorren jardunaldian ere (martxoaren 15ean), Buducnosten aurka.
Fitxa teknikoa:
104 - Kirolbet Baskonia (22+18+38+26): Vildoza (12), Shields (13), Garino (4), Voigtmann (16) eta Poirier (18) –hasierako bostekoa–, Huertas (7), Diop (13), Janning (11), Jones (-) eta Hilliard (10).
86 - Khimki Mosku (17+24+16+29): Shved (15), Jenkins (3), Vialtsev (5), Zubkov (9) y Malcolm Thomas (19) –hasierako bostekoa–, Crocker (18), Markovic (2), Monia (9) eta Gubanov (6).
Epaileak: Luigi Lamonica (Italia), Damir Javor (Eslovenia) eta Anne Panther (Alemania). Crocker kaleratu du bost faltengatik (38. min).
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.