Baskoniak garaipena lortu du Unicajaren aurka eta hirugarren postua sendotu du
Kirolbet Baskoniak 112-95eko emaitzarekin irabazi dio Unicajari Buesa Arenan, Endesa Ligako 21. jardunaldiko partida. Ondorioz, hirugarren postua sendotu du Arabako taldeak, Malagako taldea aurkari zuzena baita.
Gaizki ekin dio Baskoniak neurketari, 0-5eko partziala jasota. Ondoren, partida oso maldan gora jarri zaio Perasovicek zuzentzen duen taldeari, Unicaja aldeak handitzen hasi baita, 13 puntuko errenta eskuratu duen arte (6-19). Lehen laurdenaren azken txanpan lortu du Kirolbet Baskoniak desabantaila apur bat murriztea, baina zortzi puntu behetik (16-24) ekin dio bigarren laurdenari.
Arabako taldearen jokoak hobera egin du hamargarren minututik aurrera. Defentsa sendotu du Baskoniak, eta erasoan ere errazago saskiratzea lortu du. Pixkanaka aldeak murriztean hasi da Kirolbet Baskonia, eta norgehiagoka berdindu du (30-30) bigarren laurdeneko lehen lau minutuetan. Ondoren, aurrea hartu du etxeko taldeak, eta aurkaria baino gehiago izanda, zortzi puntuko abantailarekin heldu da atsedenaldira (51-43).
Hirugarren laurdenari bikain ekin dio Baskoniak. Unicaja ezinean ibili da Buesa Arenan, atsedenaldiaren ostean. Ondorioz, abantaila polita eskuratu du Baskoniak (67-50). Malagako taldeak, ordea, ez du etsi eta desabantaila bederatzi puntura murriztea lortu du, laurdenaren amaieran (86-77).
Hamazazpi puntuko abantaila aurkariak bederatzi puntura murriztuta hasi du azken laurdena Kirolbet Baskoniak, baina amaierako hamar minutuetan aurkaria baino gehiago izan da. Neurketa haustea lortu du talde gasteiztarrak azken laurdenaren lehen erdian hamazortzi puntuko errenta lortuta (98-80). Amaierako minutuak ondo kudeatu ditu Baskoniak, eta garaipena eskuratu du (112-95).
Fitxa teknikoa:
112 - Kirolbet Baskonia (16+35+35+26): Vildoza (12), Shields (18), Garino (16), Voigtmann (18), Poirier (18) -hasierako taldea-, Sedekerskis (-), Huertas (6), Diop (11), Jones (4) eta Hilliard (9).
95 - Unicaja (25+18+34+18): Boatright (9), Milosavljevic (15), Waczynski (5), Wiltjer (23) eta Lessort (15) -hasierako taldea-, Okouo (-), Salin (6), Diez (4), Shermadini (4), Roberts (7) eta Suarez (7).
Epaileak: Antonio Conde, Oscar Perea eta Raul Zamorano. Poirier kanporatu dute bost falta egiteagatik (38. min). Falta teknikoa adierazi diote Luis Casimirori (18. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.