Baskoniak hirugarren postuan amaitu du lehen itzulia, Bartzelonaren aurka galduta
Kirolbet Baskoniak porrota jaso du Bartzelona Lassa taldearen aurka (73-82) igande honetan Buesa Arenan. Ondorioz, Arabako taldeak Endesa Ligako sailkapeneko hirugarren postuan amaitu du lehen itzulia.
Perasovicek zuzentzen duen taldeak ondo ekin dio neurketari, lehen zazpi minutuetan bederatzi puntuko abantaila hartuta (14-5). Ondoren, ordea, Bartzelonak aldeak murriztu ditu, eta Baskoniarekin aldeko 19-15eko emaitzarekin amaitu da lehen laurdena.
Barçak hobeto jokatu du bigarren laurdenean, baina Baskoniak eutsi egin dio Endesa Ligako liderraren bolada onari. Norgehiagoka asko parekatu da bigarren laurdenean, eta bisitariak hobeto aritu dira, baina Baskonia aurretik iritsi da atsedenaldira (38-36).
Atsedenaldiaren ostean, oso parekatuta jarraitu du lehiak. Thomas Heurtelek gidatu du Bartzelona hirugarren laurdenean, eta Kirolbet Baskoniak asko sufritu du, baina ez dio aurkariari markagailuan ihes egiten utzi. Arabako taldeak 0-7ko partziala jaso du, eta Bartzelonak neurketa berdindu du (51-51). Parekotasuna nagusi zela, Bartzelona puntu bateko abantailarekin iritsi da azken laurdenera (61-62).
Partidako azken hamar minutuetan, Baskoniak nekea igarri du, eta min hartuta daudelako jokatu ezinik dauden jokalarien falta sumatu du. Fisikoki behera egin du Perasovicek zuzentzen duen taldeak, eta horretaz baliatu da Bartzelona garaipena eskuratzeko (73-82).
Fitxa teknikoa:
73 - Kirolbet Baskonia (19+19+23+12): Vildoza (11), Janning (3), Shields (15), Voigtmann (16) eta Diop (4) –hasierako taldea–; Huertas (-), Poirier (6) eta Hilliard (18).
82 - Bartzelona Lassa (15+21+26+20): Heurtel (11), Blazic (3), Hanga (6), Oriola (3) eta Tomic (17) –hasierako taldea–; Pangos (8), Ribas (11), Singleton (6) eta Claver (9).
Epaileak: Fernando Calatrava, Luis Miguel Castillo eta Iyan Gonzalez Galvez.
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.