Baskoniak Unicaja jipoitu du
Kirolbet Baskoniak garaipena eskuratu du Unicaja Malagaren aurka (64-81) Martin Carpena pabilioian eta Endesa Ligako bigarren postuan jarraitzen du, Bartzelona liderrarengandik garaipen bakarrera, 13 jardunaldi jokatu ostean.
Hasiera bikaina eman dio Baskoniak partidari, 0-12ko partziala lortuta. Ondoren, Unicajak bi saskiratze jarraian lortu ditu, Arabako taldearen saskiratze-bolada mozteko (4-12). Ondoren, 7 puntura murriztu du desabantaila Malagako taldeak (11-18), eta lehen 10 minutuak 8 puntuko abantailarekin amaitu ditu (12-20) Perasovicek zuzentzen duen taldeak.
Bigarren laurdenari ere oso ondo ekin dio Arabako taldeak. Kirolbet Baskonia nagusi izan da, eta 19 puntuko abantaila eskuratu du (17-36) laurdenaren erdialdean. Errenta erosoa izan du Baskoniak, eta Unicajak desabantaila pixka bat murriztea lortu duen arren, euskal taldearen aldeko 31-45eko emaitzarekin iritsi da neurketa atsedenaldira.
Atsedenaldiaren ostean, partidaren gidoia ez da aldatu; Kirolbet Baskonia jaun eta jabe izan da, eta Unicaja, ezinean. Hirugarren laurdena bukatzeko 6 minutu baino gutxiago falta zirenean, 22 puntuko errenta eskuratu du talde gasteiztarrak (33-55), ordura arteko abantaila handiena, baina laurdena amaitzeko 2 minutu eta 40 segundo falta zirenean, 23 puntuko abantaila izan du (41-63). Hala ere, ez da hura izan neurketan ordura arte Baskoniak lortu duen errenta handiena, 25 puntuko abantaila eskuratu baitu hirugarren laurdena bukatzeko minutu bakarraren faltan (44-69). Perasovicek zuzentzen duen taldeak 46-69ko emaitzarekin heldu da azken laurdenera.
Kirolbet Baskoniak guztiz bideratuta izan du garaipena azken 10 minutuei ekin aurretik, eta azken laurdena kaskar hasi duen arren, Unicajak ez dio hasiera askoz hobea eman, eta Gasteizko taldeak abantaila erosoak mantentzea lortu du. Erasoan gaizki ibili den arren, Arbako taldeak 26 punturainoko aldea izan du (50-76), eta eroso jokatu ditu neurketako azken minutuak. Amaieran, Unicajak emaitza apur bat txukuntzea lortu du, baina Kirolbet Baskonia aise nagusitu da (64-81) Martin Carpenan.
Fitxa teknikoa:
64 - Unicaja (12+19+15+18): Okouo (2) Milosavljevic (0), Roberts (18), Lessort (6), Wiltjer (5) -hasierako taldea- Fernandez (8), Stilma (0), Diaz (0), Salin (4), Diez (8), Shermadini (8) eta Waczynski (5).
81 - Kirolbet Baskonia (20+25+24+12): Voigtmann (11), Huertas (9), Janning (13), Poirier (8), Shieds (7)-hasierako taldea- Penava (0), Vildoza (14), Gonzalez (0), Diop (11), Granger (0) eta Hilliard (8).
Epaileak: Perez Pizarro, Vicente Bulto eta Jacobo Rial.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.