Kirolbet Baskoniak Bartzelonaren aurka egin du tupust etxean 70-77
Kirolbet Baskoniak galdu egin du ostegun honetan Bartzelonaren aurka (70-77), Euroligako hamalaugarren jardunaldian. Izan ere, Perasovicen jokalariak ez dira neurketa bereganatzeko gai izan, hirugarren laurdenaren erdialdera eta laurden horren amaieran partida euren alde jarri arren (55-49).
Aitzitik, ahazteko moduko azken laurdena jokatu dute 15-28ko partziala jasota, eta horrek norgehiagoka galtzea eragin die.
Bartzelonak, ordea, hirugarren laurden txarra jokatu eta gero (zazpi puntu besterik ez ditu saskiratu tarte horretan), partida irauli du azken hamar minutuetan Kevin Pangosen puntuei esker. Kanadarra erabat galduta zebilen Buesa Arenan ordura arte, baina zeharo erabakigarriak izan diren 13 puntu erdietsi ditu azken partzialean.
Pangosekin batera, Thomas Heurtel joko-antolatzaile frantziarrak ere ekarpen handia egin dio Svetislav Pesicek entenatzen duen taldeari, 11 puntu sartu eta 17ko balorazioa lortuta.
Etxekoei dagokienez, Matt Janning estatubatuarra izan da jokalaririk erregularrena 19 punturekin. Alabaina, hari benetako laguntza eman dioten taldekide bakarrak Luca Vildoza (12 puntu eta 15eko balorazioa) eta Shavon Shields (11 eta 11) izan dira, gainerakoen ekarpena ez baita apartekoa izan.
Porrot horrek Baskoniaren asmoak zapuztu ditu nolabait, jardunaldi honen bukaeran sailkapeneko zortzi onenen artean kokatzea espero baitzuen, Lauko Finalean egoteko aukerarekin amesten jarraitzeko.
Kontrara, Bartzelonak Euroligan bata bestearen atzetik galdu dituen lau partiden bolada txarra eten ahal izan du, eta, bide batez, baita Baskoniaren aurka zeukan beste bat ere, zazpi lehia jarraian baitzeramatzan gasteiztarren aurka galtzen Europan.
Fitxa teknikoa:
Kirolbet Baskonia (16+23+16+15) 70: Vildoza (12), Janning (19), Hilliard (4), Shengelia (8) eta Poirier (6) –hasierako bostekoa–, Voigtmann (2), Huertas (4), Granger (2), Diop (2) eta Shields (11).
Barcelona Lassa (19+23+7+28) 77: Heurtel (11), Ribas (3), Claver (3), Singleton (10), Seraphin (14) –hasierako bostekoa–, Pangos (16), Hanga (2), Pustovyi (9), Oriola (6), Kuric (3) eta Tomic (-).
Epaileak: Christos Christodoulou (Grezia) Petri Mantyla (Finlandia) eta Milan Nedovic (Eslovenia). Ez dute inor kanporatu.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.