Kirolbet Baskoniak ezin izan dio aurre egin Real Madrilen puntu jarioari (97-79)
Real Madrilek saskiari begira une gozoa bizi duela erakutsi du beste behin, eta 97-79 irabazi dio Kirolbet Baskoniari Euroligako hirugarren jardunaldian. Arabarrek ezin izan diote madrildarren eraginkortasunari aurre egin (etxekoek 13 hiruko saskiratu dituzte 25 ahaleginetatik, hau da, % 52).
Horrenbestez, Pedro Martinezen mutilek garaipen bat eta bi porrot dituzte hirugarren jardunaldiaren amaieran. Pablo Lasorenek, aldiz, jokatutako hiru partidak irabazi dituzte., Fenerbahce eta CSKA Moskuk bezala.
Etxekoen aldetik, Sergio Llull balearra izan da bere taldeko agintea eraman duena 23 puntu eta 24ko balorazioarekin. Baskoniari dagokionez, Marcelinho Huertas eta Luca Vildoza joko-antolatzaileak (11 eta 14 puntu, hurrenez hurren) izan dira, Patricio Garinorekin batera (12 puntu eta 16ko balorazioa) Real Madrili arazo gehien sortu dieten jokalariak.
Norgehiagoka zaila izan da Baskoniarentzat; izan ere, Gasteizen jokatuko den Lauko Finaleko protagonistetako bat izan nahi duenak ezin izan dio aurre egin aurkariaren puntuak sartzeko ahalmenari, nahiz eta hirugarren laurdenean markagailua berdintzea erdietsi duen (65-65, 27. min). Alabaina, bi minuturen buruan, Llullek bere taldea goitik jarri du berriz ere bederatzi puntuko aldearekin (74-65), eta markagailuko ihesaldi hori behin betiko izan da.
Fitxa teknikoa:
Real Madril 97 (25+27+22+23): Causeur (11), Randolph (11), Tavares (7), Llull (23) eta Taylor (4) –hasierako bostekoa–, Rudy (14), Campazzo (6), Reyes (10), Carroll (5), Deck (2), Prepelic eta Ayon (4).
Kirolbet Baskonia 79 (19+25+23+12): Huertas (14), Janning (10), Diop (2), Granger (5) eta Shengelia (9) –hasierako bostekoa–, Penava, Vildoza (11), Voigtmann (5), Poirier (8), Garino (12) eta Hilliard (3).
Epaileak: Boris Ryzhyk (UKR), Emin Mogulkoc (TUR) eta Petri Mantyla (FIN). Tornike Shengelia kanporatu dute bost faltarekin(37. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.