Kirolbet Baskonia, bere laugarren Liga txapelketaren bila
Kirolbet Baskoniak Endesa Ligako bere laugarren txapelketa lortzeko lehiari ekingo dio gaur Real Madrilen aurka, bere azken titulua lortu zuenetik zortzi urte bete direnean.
Madrildarren eta gasteiztarren arteko finalak bost partida izango ditu (hala behar izanez gero), eta horietako lehendabiziko biak Real Madrilen kantxan (Wizink Center) jokatuko dituzte. Pablo Lasok entrenatzen duen taldeak ez du Ligan bere etxean galdu azaroaz geroztik, hau da, Bartzelonaren aurka porrota jaso zuenetik (80-84).
Dena dela, Baskonia presio alde batera utzi eta ilusioz beteta doa Madrilera, talde zuria baita txapeldun izateko faboritoa: fase erregularrean lau norgehiagoka besterik ez ditu galdu eta play-offetan ezta bat bera ere.
Arabarrek txapelarekin amets egiteko arrazoiak dituzte, aurten elkarren artean jokatu dituzten neurketetan Real Madrili gauzak zail jartzeko gai izan baitira. Baina ez hori bakarrik; izan ere, Buesa Arenan jokatutako Euroligako partidan irabazi egin baitzieten (105-75).
Lehiaketako bi jokalari onenen (Luka Doncic esloveniarra eta Tornike Shengelia georgiarra) arteko lehiaz gain, badira final honek aurrez aurre jarri dituen beste zenbait bikote interesgarri ere: Tavares eta Vincent Poirier; Jaycee Carroll eta Matt Janning; edota Rudy Fernandez eta Janis Timma.
Erritmo handiko eta puntu ugariko partidak espero dira, horiexek izan baitira bi taldeen ezaugarri nagusiak denboraldian zehar. Aitzitik, defentsako taktikak ere arretagune izango dira, entrenatzaile biak aberatsak baitira alderdi horri dagokionez.
Talde biek ibilbide azpimarragarria daukate lehiaketan, baina final batean elkarren aurrean jardungo duten bigarren aldia izango da soilik, ez baitute elkarren aurka jokatu ez Errege Kopako finaletan, ezta Endesako Superkopako finaletan ere.
Bien artean existitzen den aurrekari bakarra 2004-05 denboraldiko Endesa Liga da. Orduko hartan, Bozidar Maljkovicek entrenatzen zuen talde madrildarrak (kantxa faktorea kontra zuenak) Baskonia azpiratu zuen bosgarren norgehiagokan, 8 puntuko aldeari azken 50 segundotan buelta ematea lortu eta gero.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.