Kirolbet Baskonia goitik behera nagusitu zaio Unicajari eta finalerdietan izango da
Kirolbet Baskoniak 64-80 irabazi dio Unicajari Endesa Ligako play-offetako bigarren partida, eta finalerdietarako txartela lortu du, lehen partida ere Arabako taldeak irabazi baitzuen. MoraBanc Andorra edo Bartzelona izango da Baskoniaren aurkaria finalerdietan.
Neurketako lehen jokaldietan parekotasuna izan da nagusi (8-10), baina lehen laurdenaren erdialdetik aurrera Arabako taldeak erakustaldia eman du, eta Unicaja ezinean ibili da. Baskoniak partida hautsi du, eta 16 puntuko abantaila lortu du (11-27) lehen hamar minutuen amaieran.
Bigarren laurdenean, lehenengoan baino nabarmenagoa izan da Kirolbet Baskoniaren nagusitasuna, eta Pedro Martinezek zuzentzen duen taldeak errenta handiagoa lortu du. Arabako taldeak ez dio aukerarik eman Unicajari, eta 19 puntuko errentarekin iritsi da Baskonia atsedenaldira (33-52).
Atsedenaldiaren ostean, talde gasteiztarra ez da erlaxatu eta ez dio aldeak murrizteko aukerarik eman Unicajari. Kirolbet Baskoniak 23 puntuko aldea izan du (33-56), baina Malagako taldeak erreakzio txiki bat izan du, eta ez dio utzi abantaila handiagoa hartzen. Hirugarren laurdenaren amaieran, 20 puntuko abantaila eskuratu du Arabako taldeak (48-68).
Garaipena bideratuta baino gehiago utzi du Kirolbet Baskoniak aurreko laurdenetan, eta arazorik gabe lortu du garaipena, 64-80ko emaitzarekin. Finalerdietako kanporaketako lehen partida astelehenean (ekainak 4) jokatuko da, Buesa Arenan.
Fitxa teknikoa:
Unicaja 64 (11+22+15+16): Diaz (7), Nedovic (14), Milosavljevic (-), Brooks (-), Shermadini (11) —hasierako bostekoa—, Salin (6), Diez (8), Rosa (-), Augustine (6), McCallum (-), Okouo (4) eta Suarez (8).
Baskonia 80 (27+25+16+12): Huertas (11), Beaubois (13), Timma (4), Shengelia (8), Poirier (12) —hasierako bostekoa—, Vildoza (8), Voigtmann (7), Janning (6), Diop (4), Granger (-), Malmanis (-) eta Garino (7).
Epaileak: Perez Perez, Castillo eta Caballero. Diop eta Poirier (Baskonia) kanporatu dituzte.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.