Baskoniak garaipena lortu du Kopari ekin aurretik
Baskoniak garaipena lortu du Rio Natura Monbus taldearen aurka (87-86) Buesa Arenan eta bosgarren jarraitzen du Endesa Ligako sailkapenean partida bat gutxiago duten Valentziarekin (hirugarren) eta Bartzelonarekin (laugarren) berdinduta.
Lehen laurdenetik agintzen hasi da Baskonia eta lehen hamar minutuen amaieran zazpi puntuko abantaila lortu du (27-18). Bigarren laurdenaren hasieran, ordea, Rio Natura Monbus aurretik jarri da 10-0eko partzialarekin (27-28). Une horretan Buesa Arena ilunetan geratu da pabilioia dagoen zonaldean egon den huts elektriko baten ondorioz. Argia itzuli ostean Baskoniak bere jokoa hobetu du, eta abantail politarekin iritsi da atsedenaldira (47-39).
Hirugarren laurdenean ahalegindu da markagailuan alde egiten Sito Alonsok zuzentzen duen taldea, baina Obradoirok ez dio alde handia hartzen utzi. Baskoniak zazpi puntuko abantailarekin ekin dio azken laurdenari (66-59). Amaierako laurdenean gogotik sufritu du Arabako taldeak garaipena eskuratu ahal izateko. Lehia amaitzeko lau minutu falta izan direnean neurketa berdindu du Galiziako taldeak (77-77). Gainera, partida amaitzeko 24 segundoren faltan aurrea hartu du Rio Natura Monbusek (85-86). Hurrengo jokaldian Baskoniak saskiratzea lortu du (87-86) eta azken jabetzan Rio Natura Monbusek huts egin duenez, garaipena eskuratu du Baskoniak.
Fitxa teknikoa:
87 - Baskonia (27+20+19+21): Laprovittola (15), Hanga (22), Budinguer (5), Tillie (6), Voigtmann (9) -hasierako bostekoa-, Bargnani (2), Beaubois (16), Sedekerskis (2) eta Luz (8).
86 - Rio Natura Monbus Obradoiro (18+21+20+27): McConnell(12), Dulkys (5), Bendzius (14), Allen (7), Pustovyi (8) -hasierako bostekoa-, Whittington (26), Matulionis (6), Pozas (4), Yusta (-) eta Llovet (4).
Epaileak: Carlos Peruga, Fernando Calatrava eta Anna Cardus.
dus.Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.