Sufrituta irabazi dio Laboral Kutxak Panathinaikosi (79-77)
Laboral Kutxak denboraldiko laugarren garaipena lortu du Euroligan, Panathinaikosi irabazita (79-77). Atsedenaldian jaun eta jabe ziren gasteiztarrak, baina bigarren zatian gauzak okertu dira eta azkenean sufrituta lortu dute garaipena.
Lehen laurden bikaina jokatu du Laboral Kutxa Baskoniak. Gasteiztarrek jipoia eman diote Panathinaikosi zazpi hiruko sartuta, horietariko lau San Emeteriorenak. Greziarren defentsa iparra galduta ibili da, eta defentsa da, hain zuzen, kanpotarren oinarria. Gauzak horrela, lehen 10 minutuen ostean, Baskonia 34 eta 19 izan da aurretik markagailuan.
Bigarren laurdenean gauzak ez dira aldatu. Laboral Kutxak jo eta ke jarraitu du erasoan, Panathinaikosen ahuleziari etekina atera nahian. Defentsan errebotea kontrolpean izan dute eta saskiratzeetan fin aritu dira. Hirukoak ere, bata bestearen atzetik sartu dituzte eta Diamantidis izan da greziarraren mailari eusten bakarra. 55 eta 44 izan da atsedenaldiko emaitza.
Hirugarren laurdenean Baskonia erabat lo atera da kantxara. Defentsan ez duet asmatu eta saskiratzeetan ere behera egin dute, nabarmen. Ondorioz, Panathinaikos aurretik jarri da lehen aldiz partida osoan (57-58), 2 eta 14ko partzialari esker. Azken minutuetan gasteiztarrek kemena agertu dute eta azken laurdena 65 eta 62 aurretik hasi dute.
Azken laurdenean gauzak are gehiago estutu dira. Baskoniak aurretik jarraitu du, baina greziarrak markagailuan gertu izan dira denbora guztian. Amaierarako 30 segundoren faltan, Fotsisek hirukoa sartu du eta Panathinaikos 79-77 jarri da, baloiaren jabetza berea zela. Baina zortea arabarren alde izan da eta emaitzari amaiera arte eustea lortu dute.
Garaipen honi esker, Laboral Kutxari nahikoa zaio hurrengo jardunaldian Lietuvos Rytas Buesa Arenan mendean hartzean, lehen 16en artean matematikoki sartzeko.
Fitxa teknikoa:
79 - Laboral Kutxa (34+21+10+14): Heurtel (10), Jelinek (6), San Emeterio (15) Mainoldi, Pleiss (9)-hasierako boskoteal-, Hodge (6), Bjelica (17), Hamilton (2), Kelati (8), Kaukenas (6).
77 - Panathinaikos (19+25+18+15): Ukic (14), Giankovits, Maciulis (19), Mavrokefalides (6), Batiste (2)-hasierako boskotea-, Diamantidis (19), Gist (6), Bramos, Curry, Lasme (1), Pappas (4), Fotsis (6).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.