Landutako garaipena lortu du Laboral Kutxak Tel Aviven (65-70)
Laboral Kutxa Baskonia Maccabiri gailendu zaio 65 eta 70, Euroligako seigarren jardunaldian. Arabarrek partida ona jokatu eta merezita irabazi dute.
Lehen laurdena gasteiztarrena izan da. Defentsan eta erasoan sendo aritu dira Scarioloren mutilak, erritmoa kontrolatuz, eta nagusitasun hori markagailura eraman dute. Jelineken hiruko batek 5 eta 15 jarri ditu aurretik arabarrak. Baina Maccabik ez du amore eman, eta puntu bakar batera hurbildu dira israeldarrak. Hodgek azken segundoan sartutako hirukoak lau puntuko aldea eman dio Laboral Kutxari lehen 10 minutuen amaieran: 16-20.
Jokoa erotu egin da bigarren laurdenean. Abiadura handiz jokatu dute bi taldeek, baina patxada gutxirekin. Maccabik defentsa aldatu du eta puntu batera jarri da hiru alditan, partida berdintzea lortu duen arte (31-31). Are gehiago, atsedenaldirako aurretik jarri da Tel Aviveko taldea: 35-34.
Atsedenaldiaren ostean Laboral Kutxak huts egin du, eta israeldarrek alde egin dute markagailuan (43-34). Scariolok etenaldia eskatu du aurkariaren erritmoa hausteko. Eta lortu egin du. Partidak ez du jaberik izan hirugarren laurdenean, baina Heurtelen, Hamiltonen eta Bjelicaren hirukoek aurretik jarri dituzte gasteiztarrak, 49-51, azken 10 minutuen faltan.
Azken laurdenean tentsioa izan da nagusi. Scariolorenak, hala ere, hobeto aritu dira errebotean eta erasoan. Baina Maccabi 62 eta 63 jarri da amaierarako bi minuturen faltan. Jelinek agertu da orduan, eta momentu erabakigarrietan bi saskiratze garrantzitsu sartu ditu garaipena bere taldearen alde jartzeko.
Azkenean 65 eta 70. Laboral Kutxak hirugarren garaipena lortu du Euroligan, bigarrena Maccabiren aurka.
Fitxa tenikoa:
65 - Maccabi Tel Aviv (16+19+14+16): Rice (7), Hickman (11), Smith (4), Ingles (3), Schortsanitis (4)-hasierako boskotea-, James (16), Blu (12), Landesberg (8).
70 - Laboral Kutxa (20+14+17+19): Heurtel (7), Jelinek (14), San Emeterio (2), Mainoldi (3), Pleiss (16)-hasierako boskotea-, Hodge (7), Kaukenas, Kelati, Hamilton (10), Bjelica (11).
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.