Laboral Kutxak garaipenarekin hasi du Euroliga (84-80)
Gasteizko taldeak garaipen ederra lortu du Buesa Arenan, Makabiren kontra (84-80). Lehenenego zatian, Baskonia jaun eta jabe izan da, baina atsedenaldiaren ostean Israelgo taldeak defentsa sendotu du, eta David Blatten gizonek markagailua irauli dute. Scarioloren taldeak saskiratze erabakigarriak sartu ditu, eta 2013-2014ko Euroliga garaipen garrantzitsuarekin hasi du.
Laboral Kutxa nagusi izan da Buesa Arenan, partidako lehenengo bi laurdenetan. Scarioloren gizonek azkar jokatu dute kantxan, eta 12-8koa jarri dute markagailuan. Hala ere, Devin Smithek saskiratze ikusgarria lortu du, eta 12-12koarekin Baskoniak defentsan akatsak egin ditu. Walter Hodgek ederki gidatu du taldea erasoan (20-14), eta Arabako taldeak markagailuan goitik (24-18) bukatu du aurreneko laurdena.
Bigarren laurdenean, Gasteizko taldeak erasoan ondo jarraitu du, eta Tibor Pleissek erakustaldia eman du taula azpian (28-20). Hickmanek 28-25ekoa jarri du markagailuan, baina Laboral Kutxak defentsa gogortu egin du, eta Jelinekek 36-25ekoa jarri du. San Emeteriok hiruko ikusgarri bat eskuratu du azkenengo segundoan, eta Baskonia 48-38koarekin joan da aldagelara.
Makabi Electrak defentsa sendotu egin du hirugarren laurdenean, eta Laboral Kutxak taula azpian indarra galdu du. Hickmanek 53-48koa jarri du markagailuan, baina Lamont Hamiltonek erantzun bikaina eman du, eta Arabako taldeak 10 puntuko aldea berreskuratu du (58-48). Hala ere, Ohayonek eta Devin Smithek saskiratze garrantzitsuak lortu dituzte, eta hirugarren laurdena 62-61 bukatu da.
Azkenengo laurdenean Israelgo taldeak markagailua irauli egin du (62-63), eta Baskoniak ezin izan du bere jokoa egin (69-72). 73-75ekoarekin Heurtelek hiruko oso garrantzitsua lortu du (76-75), eta frantziarrak beste saskiratze erabakigarri bat eskuratu du, 40 segundoren faltan (82-78). Hamiltonen jaurtiketa batek norgehiagoka erabaki egin du (84-80), eta Scarioloren gizonek garaipenarekin hasi dute 2013-2014ko Euroligako ibilbidea.
- Fitxa teknikoa:
84; Laboral Kutxa (24+24+14+22): Hodge (6), Causeur (8), San Emeterio (12), Nocioni (9), Hamilton (15) -hasierako bostekoa-, Heurtel (11), Jelinek (9), Pleiss (12), Kelati (2).
80; Makabi Tel Aviv (18+20+23+19): Rice (8), Hickman (20), Ingles (14), Blu, Schortsanitis (2) -hasierako bostekoa-, Ohayon (11), Smith (9), James (8), Pnini, Tyus (2), Landersberg (6).
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.