Caja Laboralek jipoia jaso du Malagan
Caja Laboralek jipoia jaso du Martin Carpena pabilioian Unicajaren aurka 93-72 galduta. Partida hasiera ona egin du Baskoniak, baina beste hiru laurdenetan oso gaizki jokatu du.
Baskoniak 0-10eko partzialarekin ekin dio partidari, eta Unicaja ezinean ibili da lehen minutuetan. Lehen laurdenaren erdialdean, ordea, Malagako taldea esnatu egin da, eta aldeak murriztu ditu (17-19). Gainera, etxeko taldeak bi puntuko abantaila lortu du lehen hamar minutuen amaieran (22-20).
Bigarren laurdenean oso gaizki jokatu du Caja Laboralek. Ostiralean Euroligako partida jokatu zuten Errusian, eta nekeak eragina izan du taldearen joko kaskarrean. Unicajak eroso jokatu du, eta 15 puntuko abantaila lortu du atsedenaldira iristean (51-36).
Arabako taldeari maldan gora jarrai zaio partida bigarren laurdenean, eta Zan Tabakek zuzentzen duen taldeak ez du aldeak murrizteko gaitasunik izan. Hirugarren laurdena Unicajaren aldeko 72-59ko emaitzarekin bukatu da.
Azken laurdenari 13 puntuko aldearekin ekin dio Unicajak, eta Malagako taldeak ez du garaipena lortzeko arazorik izan. Azkenean, 93-72ko emaitzarekin irabazi du partida Unicajak, eta jipoia eman dio Caja Laboral Baskoniari.
Fitxa teknikoa:
93 - Unicaja (22+29+21+21): Williams (9), Urtasun (0), Vidal (22) Zoric (20), Lima (1)-hasierako bostekoa- Simon (10), Panko (17), Calloway (10), Dragic (4) eta Diaz (0).
72 - Caja Laboral Baskonia (20+16+23+13): Cook (3), Causeur (19), San Emeterio (25), M. Bjelica (10), Pleiss (6)-hasierako bostekoa- Heurtel (0), Lampe (2), Nocioni (0), N. Bjelica (7) eta Jelinek (0).
Epailea: Perez Pizarro, Bulto eta Rial.
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.