IDK Euskotrenek eta Lointekek galdu egin dute etxean; Kutxabank Araskik denboraldiko 11. garaipena lortu du
Endesa Ligako 25. jardunaldiak bi porrot eta garaipen bat utzi ditu euskal taldeentzat joan den asteburuan. Kutxabank Araskik denboraldiko 11. garaipena lortu zuen, Duran Maquinaria Ensino etxean 53-57 mendean hartu ostean. Barneko joko ona eginez lehen laurdenean aurretik hasi zen arren, bigarrenean ez zuen hainbeste asmatu, eta hasierako abantaila galdu zuen. Aldageletatik pasata, Made Urietaren neskak markagailua iraultzen hasi ziren. Egindako defentsa sendoak ez ezik, Melissa Gretterren lan bikainak asko lagundu zion taldeari abantaila mantentzen eta partida irabazten.
IDK Euskotrenek, bestetik, galdu egin zuen Gascan Spar Gironaren aurrean: 57-78. Azu Muguruzaren boskotea 17-14 aurreratu zen, baina Gironak bederatzi puntuko aldea lortu zuen bigarren laurdenean. Atsedenera 30-36 iritsi ziren. Norgehiagokaren dinamikak bere horretan jarraitu zuen amaierara arte: 42-54 hirugarren laurdenean, eta 57-78 bukaeran. Porrotaren ondorioz, sailkapeneko zazpigarren postura egin dute behera donostiarrek.
Azkenik, Lointek Gernikak ere ezin izan zuen Jairis murtziarraren aurka irabazi Malosten, sei puntuko aldeaz galduta: 63-69. Gernikarrak bizi kantxaratu ziren arren, bisitariak aurretik jarri ziren hasieratik. Ondoren, Lointek Gernika 21-16 aurretik jarri zen bigarren laurdenean, Wattsek saskiratutako hiruko bati esker, besteak beste. Ez batak ez besteak ez zuen 6-7 puntu baino gehiagoko errentarik ezarri, eta oso berdinduta ibili ziren, bukaerara arte.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka, jokatuko du ostegunean, Euroligan, Sarajevon
Paolo Galbiatiren taldearen aurkariak Bosniako hiriburuan jokatzen du etxeko partidak, Ekialde Erdikoan dagoen gerra egoerarengatik. Dubaik lau garaipen jarraian lortu ditu Euroligan, eta txapelketan jarraitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.