Txapeldunen Ligako final-laurdenak zozkatu dituzte, Bilboko Lauko Finalaren atarian
Saskibaloiko Txapeldunen Ligako final-laurdenetako kanporaketak ostiral goizean zozkatu dituzte Bilboko Guggenheim museoan. Zozketaren arabera, BAXI Manresa-Unicaja, Lenovo Tenerife-Tofas Bursa (TUR), Hapoel U-Net Holon (ISR)-Sig Estrasburgo (FRA) eta U-BT Cluj Napoca (ROM)-NHP Riesen Ludwigsburg (DEU) jokatuko dira final-laurdenetan.
Aurrera egingo duten lau taldeek Lauko Finala jokatuko dute Bilbon, maiatzaren 6tik 8ra.
Final-laurdenak, hiru partidara jokatuko dira, apirilaren 5ean eta 6an, 12an eta 13an eta 19an eta 20an.
Zozketa berean, Bilboko Lauko Finaleko norgehiagoken zozketa ere egin dute.
Koadroaren alde batetik Manresa-Unicaja eta Cluj Napoca-Riesen partidetako irabazleek neurtuko dituzte indarrak, eta beste aldetik, berriz, Tenerife-Tofas Bursa eta Holon-Estrasburgo partidetako irabazleek. Ondorioz, baliteke ACBko bi taldeen arteko finala suertatzea.
Txapeldunen Ligako final-laurdenak
1.- BAXI Manresa-Unicaja
2.- Lenovo Tenerife-Tofas Bursa (TUR)
3.- Hapoel U-Net Holon (ISR)-Sig Estrasburgo (FRA)
4.- U-BT Cluj Napoca (ROM)-NHP Riesen Ludwigsburg (DEU).
Bilboko Lauko Finala
Maiatzak 6: 1. partidako irabazlea vs 4. partidako irabazlea
Maiatzak 6: 2. partidako irabazlea vs 3. partidako irabazlea
Maiatzak 8: 3. posturako partida
Maiatzak 8: Finala
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.