Bilbao Basketek ACBko liderrari egingo dio bisita
Bilbao Basket, Laboral Kutxa eta Gipuzkoa Basket taldeek ACB Ligako 17. jardunaldiko partida jokatuko dute asteburu honetan. Hirurek igandean jokatuko dute.
GBC-CAI Zaragoza
Gipuzkoa Basketek CAI Zaragoza hartuko du igande honetan (12:15, zuzenean ETB1en eta eitb.eus-en) eta Jaume Ponsarnau gipuzkoarren entrenatzaileak hitzorduari buruz hitz egin du. Eskainitako prentsaurrekoan baikor agertu da teknikaria.
Mikel Motos eta Jordi Grimau ez direla osatu baieztatu du Ponsarnauk. Taque Dean, bestalde, gripeak jota izan da asteon eta ?zalantza? izango da azken unera arte.
Unicaja-Bilbao Basket
Bilbao Basketek Unicajari egingo dio bisita (18:00), eta Sito Alonsori Axel Hervellen bajak eragingo dio buruhausterik handiena. Belgikarra 6-8 aste emango ditu bajan. Mumbru hegaleko-pibotean jar dezake Alonsok, baina hori aukera bakarra ez dela aitortu du beltzezko gizonen entrenatzaileak.
Malagako neurketa ?zailtasun handikoa? izango dela azpimarratu du teknikariak, eta garaipena eskuratzeko ?gauza asko? egin beharko dituzte bere ustez, defentsan batez ere. Jarraian bosgarren garaipena eskuratzea izango dute helburu.
Laboral Kutxa-Rio Natura
Baskoniak talde galiziarra hartuko du Buesa Arenan (18:00). Orain arte jokatutako 16 partidetan, gasteiztarrek zazpi garaipen baino ez dituzte lortu, eta Errege Kopatik kanpo geratu dira.
Orain sailkapenean gora egitea dute helburu Ibon Navarroren gizonek, baina horretarako irabaztera behartuta daude.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka, jokatuko du ostegunean, Euroligan, Sarajevon
Paolo Galbiatiren taldearen aurkariak Bosniako hiriburuan jokatzen du etxeko partidak, Ekialde Erdikoan dagoen gerra egoerarengatik. Dubaik lau garaipen jarraian lortu ditu Euroligan, eta txapelketan jarraitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.