Erika eta Maialen, 2024ko Euskotren Winter Serieseko txapeldunak
Erika Mugartegi eta Maialen Aldazabal dira 2024ko Euskotren Winter Serieseko txapeldunak, astelehenean Durangoko Ezkurdi pilotalekuan jokatutako finalean Helena Barrenetxea eta Arai Lejardi hiru jokotan menderatuta, 10-15, 15-11 eta 5-1. Erikak eta Maialenek, hala, markagailua irauli dute, final handian; aurkariek aurreneko seta irabazi dute, baina txapeldunek berdinketa lortu dute bigarrenean, eta hirugarrenean gehiago izan dira, txapela jantzi baino lehen.
Helenak eta Araik oso indartsu ekin diote partidari, eta berehala jarri dira aurretik, lehenengo setean. 4-1 eta 5-2 kokatu dira. Hori bai, Erikak eta Maialenek gertu izan dute berdinketa, 4-5ean, baina Durangoko aurrelariak eta Markina-Xemeingo atzelariak, orduan, hiru tanto jarraian egin dituzte; hala, atsedenaldian, 8-4 ari ziren irabazten. Helenak eta Araik, ondoren, zortzi tantoetaraino ere handitu dute euren aldeko abantaila: 14-6 jarri dira, era ematen zuen lehenengo puntua poltsikoan zutela. Erikak eta Maialenek lau tanto jarraian egin dituzte, 10-14koa erdietsita, baina azkenean 15-10 amaitu da aurreneko jokoa.
Bigarrenean, hasieran parean ibili dira bi bikoteak, baina Helena eta Arai, gerora, 7-3 jarri dira aurretik, eta pentsatzeko modukoa zen txapeletik hurbil egon zitezkeela. Erikak eta Maialenek, baina, jokoa eta emaitza irauli dituzte. Markina-Xemeingo aurrelaria eta Berrituko atzelaria 8-7 joan dira atsedenaldira, irabazten, 6-0eko partziala eskuratuta, eta jokoaren amaieran erabakigarria izan da hori, 15-11 bukatu baita, markagailua bana.
Hirugarren setean, joko erabakigarrian, Helenak eta Araik egin dute lehenengo tantoa, baina Erika eta Maialen argi nagusitu dira, bost tanto jarraian eginda. Erika bikain ibili da, finaleko bigarren zati osoan bezala, eta Aldazabal, ordea, oso sendo, akats gutxi eginda. Biek jantzi dute txapela, bigarrena Erikarentzat, aurtengo Euskotren Winter Serieseko txapeldunak baitira.
Johan Sorozabal, Banakako Serieseko txapeldun
Jarraian, Banakako Series txapelketako finala ere izan da, eta Johan Sorozabalek lortu du txapela, Aritz Erkiaga bi jokotan mendean hartuta (12-9 eta 12-10).
Ondo ibili da Johan finalean; lapurtarrak 2023ko txapeldunari gailentzea erdietsi du. Biarritzeko puntista aurkaria baino gehiago izan da, sendo aritu da eta hasieratik ibili da aurretik markagailuan.
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.