Erikak eta Maialenek Elaia eta Naroa menderatu dituzte, eta Euskotren Winter Serieseko finalean izango dira
Erika Mugartegi eta Maialen Aldazabal 2024ko Euskotren Winter Serieseko finalerako sailkatu dira, astelehenean, Durangoko Ezkurdi pilotalekuan txapelketako bigarren finalerdian Elaia Gogenola eta Naroa Merino bi jokotan mendean hartuta. Markina-Xemeingo aurrelariak eta Berriatuko atzelariak 15-7 irabazi dute lehenengo seta, eta bigarrena, ordea, 15-12 amaitu da. Hala, Erika eta Maialen finalerako sailkatu dira; Helena Barrenetxea eta Arai Lejardi izango dituzte aurkari horretan.
Lehenengo seteko hasieran, parean ibili dira bi bikoteak; lau puntistek erakuts dute maila ederra. Seina izan da partida, eta emaitzak ondo erakusten zuen kantxan nagusitzen zen parekotasuna. Hortik Aurrera, baina, Erika sendoago eta trebeago aritu da aurreko koadroetan, eta, Maialenek segurtasunak bikain lagunduta, jokoa erabaki duten hainbat tanto erdietsi ditu. Azkenean, 15-7 amaitu da aurreneko jokoa.
Lehenengo set hori eskuratuta, Erika eta Mailen aurretik jarri dira bigarrenean ere, baina Elaiak eta Naroak lortu dute aldea ez izatea nabarmena; hori ez ezik, Berriatuko aurrelariak eta puntista tolosarrak, finalaurreko honetan atzelaria bera, gero eta gertuago kokatu dira markagailuan. Hamaikana izan dira, hain zuzen ere. Erika eta Maialen ez dira atzetik ibili, baina lan handia egin behar izan dute, norgehiagokaren amaierara arte, finalerako sailkatzea bermatzeko. 15-12 bukatu da bigarren jokoa.
Horrenbestez, hurrengo astelehenean, hilaren 11n, Euskotren Winter Seriseko final handia jokatuko dute Ezkurdin, Erika-Maialen eta Helena-Arai bikoteek. Erika Mugartegik edo Arai Lejardik lortuko dute 2023ko Winter Seriesen irabazitako txapela berrestea.
Aritz Erkiaga, Banakako Serieseko finalera
Halaber, Banakako Serieseko bigarren finalaurrekoa ere jokatu dute Ezkurdin; horretan, Aritz Erkiagak Unai Lekerika menderatu du, bi jokotan, 12-3 eta 12-5. Hala, Ispasterreko aurrelariak, Banakako Serieseko egungo txapeldunak, 2023an irabazitako txapela berriro janzteko aukera izango du, txapelketako finalean.
Erkiaga aurkaria baino gehiago izan da Durangoko pilotalekuko kantxan, eta garaipen argia erdietsi du. Beraz, Eusko Label Winter Seriesen irabazitako txapelaren ostean, bigarrena ere eskuratzeko moduan dabil. Finalean, hilaren 11n ere, Johan Sorozabalekin arituko da, nor baino nor gehiago.
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.