Olharanek ordezkatuko du Johan, hurrengo astelehenean, Eusko Label Winter Serieseko laugarren jardunaldian

Jean Olharanek ordezkatuko du Johan Sorozabal 2025-2026ko Eusko Label Winter Serieseko laugarren jardunaldian, hurrengo astelehenean, azaroak 17. Paueko aurrelariak Biarrizkoaren ordez jokatuko du, Ludovic Laducheren eta Jon Zabalaren aurkako partida, txapelketako A multzoaren barnean.

Olharanek eta Gorkak Winter Series honetako lehenengo garaipena bilatuko dute, lehenengo jardunaldian Sorozabal anaiek Goitia eta Lekerikaren aurka galdu ostean. Beste alde batetik, Laduchek eta Zabalak txapelketa garaipen batekin ireki zuten; izan ere, Erkiagaren eta Ibarluzearen aurka irabaztea lortu zuten, bigarren jardunaldian.