Beaskoetxea-Lopez vs Barandika-Lekerika, Winter Serieseko final handia
Igande honetan hartuko du Gernika-Lumoko Jai Alai frontoiak Beaskoetxea-Lopez eta Barandika-Lekerika bikoteen arteko Winter Serieseko finala. Txapelketak ikusmin handia sortu du pilotazaleen artean eta partida bertatik bertara ikusteko sarrerak hamar minutuan agortu ziren. Hala ere, EITBn zuzen-zuzenean ikusi ahalko da partida ETB1en eta eitb.eusen eguerdiko 12:00etatik aurrera; Euskadi Irratian eta Radio Euskadin ere entzun ahalko da.
Bi bikoteek antzeko bidea egin dute finalera heltzeko. Multzoen fasean partida bana galdu zuten eta euren taldeko bigarren postuan sailkatu ziren finalerdietarako. Gainera, galdutako partida haiek multzoko lehen postua eskuratu zutenen aurka izan ziren. Hau da, finalerdietarako sailkatu ziren beste bi bikoteen aurka.
Barandika eta Lekerika A multzoko bigarren postuan sailkatu ziren. Gernikarrek ezin hobeto hasi zuten txapelketa: etxean, urriko azken astelehenean eta iazko txapeldunen aurka irabaziz. Erkiagaren eta Zabalaren aurka 3 setetan irabazi zuten, bigarren partida, berriz, ez zitzaien hainbeste luzatu. Urrutia eta Aimar hartu zituzten mendean, txapelketatik kanpo geratu zen lehen bikotea, bi setetan (15-8, 15-14). Lehen bi partidak irabazita, multzoen faseko bikote gogorrenetako baten aurka aritzeko unea heldu zitzaien 9. Jardunaldian: Olharan-Basque. Orduan galdu zuten txapelketako lehen partida, eta orain arteko azkena.
Partida guztiak jokatuta, besteen mende geratu ziren etxeko mutilak. Erkiaga-Zabalak Olharan-Basqueren aurka galtzea behar zuten finalerdietarako txartela lortzeko. Azkenean, hala izan bazen era, gernikarrek euren burua txapelketatik kanpo ikusiko zuten uneren batean: lehen seta iazko txapeldunek irabazi baitzuten eta 3. setean, 4-5eko emaitzarekin galdu zuten, Barandikari eta Lekerikari finalerdietarako txartela emanez.
Barandikak eta Lekerikak ez bezala, Beaskoetxeak eta Lopezek porrotarekin ekin zioten Winter Seriesari. Goikoren eta Etxetoren aurkako partidan bi setetan galdu zuten. Kolpe hartatik altxatzeko erraz menderatu zituzten Leke eta Minvielle 6. jardunaldian (15-8, 15-5). Garaipen bat eta porrot bat zituztela heldu ziren azken partidara Gernikako aurrelaria eta Zumaiako atzelaria. Johan eta Del Rio bikote gaztearen aurka hiru setetan irabazita, finalistek multzoko azken partidari begira amaitu zuten: Goiko-Etxeto vs Johan-Del Rio. Goiko eta Etxetoren garaipena behar zuten sailkatzeko. Partida hura hiru setetara joan zen, eta gerora multzoko lider bezala amaituko zutenek eskuratu zuten garaipena.
Finalerdietan, aurrera
Barandikak eta Lekerikak Olharanen eta Basqueren aurka jokatu zuten lehen finalerdian. Gernikarrek aise menderatu zituzten B multzoko liderrak bi setetan (15-10, 15-8). Beaskoetxeak eta Lopezek, berriz, lan gehiago izan zuten Goiko eta Etxeto garaitzeko eta hirugarren seteraino joan behar izan zuten (11-15, 15-14, 5-3) Beaskoetxeak bere ibilbide profesionala final batekin amaitzeko.
Lehengusuak, aurrez aurre
Finaleko aurrelariak lehengusuak dira. Horrek, partidari xarma berezia ematen dio. Diego Beaskoetxeak bere ibilbideari amaiera emango dio Jai Alai Winter Serieseko finala jokatuz, etxean eta Xabier Barandika lehengusua kantxako aurreko koadroetan aurkari izango duela. Gertatzen dena gertatzen dela ere, gernikarrentzat egun berezia eta hunkigarria izango da ezbairik gabe.
Finala 12:00etan hasiko da eta EITB Mediak eskainiko du zuzen-zuzenean ETB1en, eitb.eusen, Euskadi Irratian eta Radio Euskadin.
Zure interesekoa izan daiteke
2025-2026ko Eusko Label Winter Serieseko 7. jardunaldiko hiru tanto onenak
Alex Goitiak, Jon Zabalak eta Ludovic Laduchek egin dituzte 2025-2026ko Eusko Label Winter Serieseko 7. jardunaldiko tantorik onenak.
Goitia eta Lekerika: ''Pozik, finalerdietan gaude''
Alex Goitiak eta Unai Lekerikak, astelehenean, Eusko Label Winter Seriesen, garaipena eskuratu dute, Ludovic Laduche eta Jon Zabala aurkari, eta, horrenbestez, txapelketako finalerdietako ligaxkarako sailkatu dira.
Goitia eta Lekerika eta Johan eta Gorka, Eusko Label Winter Serieseko finalerdietako ligaxkara
Alex Goitiak eta Unai Lekerikak Laduche eta Zabala menderatu dituzte, bi jokotan, 15-12 eta 15-14, eta emaitza horrek sailkatzeko aukerarik gabe utzi ditu Erkiaga eta Ibarluzea eta asteleheneko partidan galtzaile atera den bikotea.
2025-2026ko Eusko Label Winter Serieseko 6. jardunaldiko hiru tanto onenak
Jean Olharanek eta Aritz Erkiagak egin dituzte 2025-2026ko Eusko Label Winter Serieseko 6. jardunaldiko tantorik onenak.
Olharanek eta Gorkak bigarren garaipena lortu dute eta Erkiaga eta Ibarluzea ia aukerarik gabe utzi dituzte
Aurrelari bearnotarra eta atzelari lapurtarra nagusi izan dira lehen jokoan (11-15), baina bigarren partzialean bizkaitarrek buelta eman diote egoerari (15-8). Partida hirugarren jokoan erabaki da, non azken hiru tantoak aurrenekoek egin dituzten (4-5).
Gorka Sorozabal: "Oso partida zaila izan da eta zorte pixka bat izan dugu"
Min hartuta dagoen Johan Sorozabal berriro ordezkatu duen Jean Olharanek eta Gorka Sorozabalek osatutako bikoteak hiru jokotan (11-15, 15-8 eta 4-5) irabazi diete Aritz Erkiaga eta Ion Ibarluzeari, azken bi edizioetako txapeldunei, Gernikako Jai Alai pilotalekuan jokatutako Eusko Label Winter Serieseko seigarren jardunaldian.
Erkiaga-Ibarluzea vs Olharan-Gorka Eusko Label Winter Serieseko partidaren azken tantoa
Jean Olharanek eta Gorka Sorozabalek 3 setetan menderatu dituzte Aritz Erkiaga eta Ion Ibarluzea (11-15, 15-8 eta 4-5). Hemen partidako azken tantoa.
Johan Sorozabalek ez du astelehenean Erkiaga eta Ibarluzearen aurkako partida jokatuko
Aurrelari lapurtarrak orkatilako lesiotik osatu gabe jarraitzen du eta Olharanek ordezkatuko du abenduaren 1ean.
2025-2026ko Eusko Label Winter Serieseko 5. jardunaldiko hiru tanto onenak
Xabi Barandikak eta Ekaitz Mendizabalek, 'Goixerrik' egin dituzte 2025-2026ko Eusko Label Winter Serieseko 5. jardunaldiko tantorik onenak.
Eusko Label Winter Series Barandika-Basque vs Goixerri-Manci partidako estatistikak
Txapelketako bosgarren jardunaldian, Xabi Barandikak eta Thibault Basquek Ekaitz Mendizabal "Goixerri" eta Mikel Manci menderatu dituzte, bi jokotan, 15-10 eta 15-6. EITBk partidako estatistikak jaso ditu.