Euskadik garaipen bikoitza lortu du Frantziaren aurka, Jai Alaiko Nazioen Ligan, bere estreinaldi ofizialean
Euskadik Frantzia menderatu du, bi jokotan, 15-3 eta 15-2, emakumezkoen selekzioen arteko partidan, eta bi jokotan ere, 15-6 eta 15-11, gizonezkoetan, Jai Alaiko Nazioen Ligan, Gernika-Lumon, astelehen gauean, historikoa izan den egun batean, kontuan izanik Euskadik aurrenekoz jokatu duela selekzio ofizial gisa. Hala, emakumezkoetan, Euskadik garaipen bat du, Mexikok eta Espainiak beste, final handirako bi txartelak jokoan dituen multzo bakarrean; gizonezkoetan, B multzoan, euskal selekzioak eta Frantziak garaipen bana dute, eta berdinduta dabiltza.
Testuinguru horretan, emakumezkoen selekzioen arteko neurketan, Euskadik Elaia Gogenola kantxaratu du aurrelari postuan, eta Maia Goikoetxea atzelari. Bi puntista bizkaitarrak oso nagusi izan dira, Oihana Sorozabal eta Xana Gonzalez aurkari; Frantziako selekzioko bikotea 0-2 aurreratu da, baina hortik aurrera Euskadik oso kontrolpean izan du partida. Elaia bikain aritu da errematean, eta Maia defentsan, bai lehenengo jokoan (15-3 amaitu da hori), baita bigarrenean ere (15-2ko emaitza izan da horretan).
Gizonezkoen selekzioen norgehiagokan, Aritz Erkiagak eta Imanol Lopezek jokatu dute Euskadin, eta bi jokotan gailendu dira horiek ere, 15-6 eta 15-11, Jon Tambourindeguyk eta Thibault Basquek osatutako Frantziako selekzioaren bikotearen aurka. Euskadiko selekzioa gehiago izan da, eta bere bi puntistek erregulartasun handiagoa izan dute. Erkiagak eta Tambourindeguyk tanto politak egin dituzte, bereziki ispastertarrak, eta, atzealdean, Lopezek Basquek baino gehiago asmatu du; hori bai, atzelari lapurtarrak ere eman ditu meritu handiko hainbat pilotakada.
Jai Alaiko Nazioen Ligako bigarren jardunaldi honetan, beste partida bat ere jokatu dute, eta horretan, emakumezkoetan, Espainiak Mexiko menderatu du, bi jokotan, 15-2 eta 15-7. Astearterako, hirugarren jardunaldian, iragarrita dago jokatuko dituztela partida hauek: gizonezkoetan, Espainia-Estatu Batuak (19:00etan), eta emakumezkoetan, Espainia-Frantzia (20:00etan), eta Euskadi-Mexiko (21:00etan).
Zure interesekoa izan daiteke
Garcia-Oyhenard bikoteak Donibane Lohizuneko finalerako txartela lortu du
Donibane Lohizune Summer Leagueko finala zehaztuta dago jada. Garcia-Oyhenardek Barandika-Basqueren aurka jokatuko dute.
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Iñigo Unda: “Oraindik hobetzeko asko daukat; ahal zara izan onena edo ez, baina bakarra”
24 urte besterik ez eta Gernika Grand Slameko finalera iritsi da Iñigo Unda Aritz Erkiagarekin batera. “Oraindik hobetzeko asko” daukala adierazi du, eta irabazi ez duen arren bizitakoarekin pozik da gernikarra.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).