Unai Laso finalerdietan da, Jaka garaituta (18-22)
Gernikan jokatutako San Fermin Torneoko final-laurdenean, Unai Lasok 18-22 irabazi dio Erik Jakari. Lasok hasiera bikaina egin, eta aldea ireki arren, Jakak zazpi tanto jarraian eginda 13-13koa ezarri du. Hortik aurrera lehia parekatua izan da 17-17ra arte, baina azken txanpan Laso nagusitu da berriro ere, eta 18-22koarekin itxi du neurketa.
Garaipen honi esker, uztailaren 3an Donostiako Atano pilotalekuan Peñaren aurka jokatuko du finalerdia.
Zure interesekoa izan daiteke
Peña II.ak 22-13 menderatu du Larrazabal, eta finalerdietara sailkatu da
Jon Ander Peñak 22-13 garaitu du Iker Larrazabal, Sestaon, eta San Fermin Torneoko finalerdietara sailkatu da. Hasiera oso parekatu baten ondoren (11-11), bigarren zatian Peña II.a nagusitu da. Finalerdietako aurkaria Jakak eta Lasok Gernikan jokatuko duten partidatik irtengo da.
Peio Etxeberriak 22-9 irabazi dio Iker Salaberriari eta final-laurdenetarako sailkatu da
Zenotzeko aurrelariak laster jarri du San Fermin Txapelketako partida bere alde, 11-2ko aldea lortuta, eta horri esker joko erasokorragoa egin ahal izan du Hernanin jokatutako partidaren bigarren zatian. Jokin Altunaren aurka arituko da hurrengo fasean, Mungian, astelehenean.
Zabalak Dario hartu du mendean, oso partida gogorrean, eta final-laurdenetarako sailkatu da (22-21)
Astelenak hartu du norgehiagoka, Eibarko pilotalekuak bost hilabetez partidarik hartu gabe eman ondoren. Partidan 341 pilotakada izan dira, 63 minutuko lehia bizian. Buruz buruko txapelduna 21-18 irabazten ari zen, baina azkenean Zabalak lortu du garaipena. Bi pilotariek neka-neka eginda bukatu dute. Javi Zabalak Joseba Ezkurdiaren aurka neurtuko ditu indarrak final-laurdenetan.
Zabala, Peña, Jaka eta Etxeberria Caixabank Masterseko B Seriean arituko dira
Udako txapelketarik luzeena uztailaren 17an hasiko da Vianan. Javi Zabalak Morgaetxebarriarekin bikotea osatuko du B Seriean. Bestalde, Elordik eta Mariezkurrenak bikotea osatuko dute A Seriean, Altunak eta Imazek batera jardungo dute aurten ere, eta Dario Gomez buruz buruko txapeldunak Iztueta du bizkartzain. Finala urriaren 4an jokatuko da, Nafarroa Arenan.
Salaberria final-zortzirenetan da, Elordi nagusitasunez menderatuta (10-22)
Iker Salaberria San Fermin Torneoko final-zortzirenetara sailkatu da, Aitor Elordi 10-22 menderatuta. Nafarra nagusi izan da hasieratik, eta 1-16ko aldea lortu du; Elordi markagailuan gerturatzen saiatu den arren, aldea murriztea baino ez du lortu. Salaberriak ostegunean jokatuko du final-zortzirenetako kanporaketa Hernaniko pilotalekuan, eta Peio Etxeberria izango du aurkari.
12 tanto jarraian eginda irabazi dio Jakak Artolari (22-10)
Erik Jakak 22-10 garaitu du Iñaki Artola San Fermin torneoko final-zortzirenetan. Baikoko pilotariak 12 tanto jarraian eginez lortu du garaipena, hurrengo kanporaketara igarotzeko.
Dario sanferminetako final-zortzirenetara sailkatu da, Alberdi II.a garaituta (22-16)
Dario Gomez San Fermin Torneoko final-zortzirenetara sailkatu da, Unai Alberdi 22-16 menderatuta. Partida nahiko berdinduta hasi da, baina gero Buruz Buruko txapeldunak beteranoa dela erakutsi du. Zabala izango du aurkari hurrengo kanporaketan.
Gaminde, Carregal eta Azketa-Bernaola nagusi Zumarragan
Igande honetan jokatu dira Zumarragan Euskal Herritik Mundura AMPO Txapelketako esku pilotako finalak. Emakumezkoetan, Gamindek argi eta garbi menderatu du Arrizabalaga (2-10 eta 4-10), eta gizonezkoetan, Carregalek Irribarria garaitu du (8-10 eta 3-10). Binakako lehian, berriz, Azketa eta Bernaola nagusitu dira Etxebarria eta Elorzen aurka, partida estu batean (10-4 eta 10-9).
Jakak esperientziari esker garaitu du Amiano (22-17)
Erik Jakak eta Unai Amianok indarrak neurtu dituzte Orozkon, Lau t'erdiko San Fermin Torneoko final-hamaseirenetan. Gaztea gogor saiatu bada ere, markagailuan hurbiltzen hasi den bakoitzean, Jakak bere eskarmentua erakutsi du garaipena bideratzeko (22-17).