Altuna III-Martija eta Etxeberria-Zabaleta bikoteak, Binakako txapelaren bila
Jokin Altuna-Julen Martija eta Peio Etxeberria-Jose Javier Zabaleta bikoteek jokatuko dute Binakako Txapelketako finala, igande honetan, martxoaren 31n, Nafarroa Arenan.
Final handia zuzenean eskainiko dute ETB1ek eta eitb.eus-ek, 17:00etatik aurrera. Gainera, neurketaren nondik norakoak Euskadi Irratian zein Radio Euskadin ere izango dira entzungai.
Etxeberriak eta Zabaletak bigarren postuan amaitu zuten hasierako ligaxka, 14 jardunalditan 9 garaipen eskuratuta; ondorioz, zuzenean lortu zuten finalerdietarako ligaxkako txartela. Altuna III.a eta Martija, adiz, hirugarren izan ziren hasierako ligaxkan, 14 jardunalditan 8 partida irabazita; horrenbestez, play-offa jokatu behar izan zuten. Horrela, play-offean eskuratu zuten finalerdietako ligaxkarako sailkapena, Artolaren ordez jokatu zuen Urrutikoetxea eta Imaz menderatuta (11-22).
Finalerdietako ligaxkan Etxeberria eta Zabaleta izan ziren onenak, hirutik hiru neurketa irabazita. Altuna III.a eta Martija bigarren izan ziren, hirutik bi norgehiagoketetan nagusituta. Ondorioz, bi bikoteak sailkatu ziren finalerako.
Txapelketan zehar birritan neurtu dituzte indarrak Altuna III-Martija eta Etxeberria-Zabaleta bikoteek, eta bietan nagusitu dira Etxeberria eta Zabaleta: hasierako ligaxkako 9. jardunaldian, 19-22ko emaitzarekin bereganatu zuten garaipena Etxeberriak eta Zabaletak, eta finalerdietako ligaxkako neurketan, 14-22 nagusi ziren berriz Peio eta Jose Javier. Binakakoaren bigarren jardunaldian Jokin Altunak ez zuen jokatu, min hartuta zegoelako; Danel Elezkanok ordezkatu zuen Amezketakoa, eta Martija lagun zuela, 9-12 galdu zuten Etxeberriaren eta Zabaletaren kontra.
Altuna III.a eta Etxeberria, berriz elkarren aurka final baten
Jokin Altuna eta Peio Etxeberria bigarrenez ariko dira nor baino nor gehiago txapelketa handi baten finalean; izan ere, 2023ko azaroaren 19an, Altunak Lau t'erdiko txapela jantzi zuen, finalean Etxeberria mendean hartuta (22-9).
Lau pilotariak, palmaresak handitzera
Jokin Altunak zortzigarren txapela jantzi nahi du; Binakako Txapelketa bigarrenez irabaziko luke, finalean nagusituz gero. Gipuzkoarrak 2022an irabazi zuen Binakakoa, Julen Martijarekin bikotea osatuta.
Jose Javier Zabaletak bosgarrenez irabazi nahi du Binakakoa, 2013, 2018, 2021 eta 2023. urteetan ere jantzi baitzuen txapela.
Julen Martijak birritan irabazi du Binakako Txapelketa; 2020an eta 2022an, hain zuzen ere. Etxeberrikoak (Nafarroa) hirugarrenez jantzi nahi du Binakako txapela, eta bigarrenez Jokin Altunarekin bikotea osatuta, 2022an egin zuen moduan.
Peio Etxeberriak titulua lortuta estreinatu nahi du maila goreneko bere palmaresa. Zenozkoa (Nafarroa) Lau t'erdiko txapeldunordea izan zen 2023an, Altuna III.aren aurka finala galduta. Binakakoari dagokionez, txapeldunorde izan zen Promozio mailan, 2018an.
Zure interesekoa izan daiteke
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.