Laso eta Imaz, finalerako sailkatuta, baja izango dira larunbatean Labriten
Unai Laso eta Ander Imaz, biak arazo fisikoekin, baja izango dira larunbatean Iruñeko Labrit pilotalekuan Peña-Mariezkurrenaren aurka jokatu behar zuten Binakako Txapelketako finalerdietako ligaxkako hirugarren eta azken jardunaldiko partidan. Bere lekua Iñaki Artolak eta Iosu Eskirozek beteko dute.
Sailkatze mailan garrantzirik gabeko partida da, Lasok eta Imazek Binakako Txapelketako finalerako postua ziurtatuta dutelako eta Peña-Mariezkurrena matematikoki kanporatuta daudelako joan den asteburuko emaitzen ostean.
Baiko enpresak jakinarazi duenez, Lasok "mina du ezker eskuko ahurrean, eta tumefakzioa eta hematoma", eta Imazek " mina du eskuin eskuko ahurrean, 2. eta 3. metakarpianoen buruan, eta tumefakzioa du bertan".
Bi kirolariek fisioterapia tratamendua behar dute eta baja izango dira asteburu honetarako, Bilboko enpresak argitaratutako partearen arabera.
Asteburuko beste partida, igandean Bilboko Bizkaian jokatuko dena, erabakigarria izango da, Altuna-Tolosa eta Elordi-Zabaleta bikoteek apirilaren 2an Iruñeko Navarra Arenan jokatuko den finalerako bigarren txartela izango baitute jokoan.
Larrazabalek ere baja izango du ostiralean
Amurrion jokatuko den Promozioko Binakakoan Iker Larrazabal ere baja izango da asteburu honetan, Lasoren arrazoi beragatik: "tumefakzioa eta hematoma", eskuin eskuko ahurrean. Pilotari arabarra, Eskirozekin batera, aipatu txapelketako finalerako sailkatuta dago jada, beraz, Artolak eta Uriondok hartuko dute euren lekua larunbatean, finalerdietako partidan, Salaberria-O.Etxebarriaren aurka.
Zure interesekoa izan daiteke
Jon Ander Albisuren eskuak onera egin du eta igandeko finalerdia jokatuko du
Igandeko finalerdiko material aukeraketa egin dute gaur Adarragan, Logroñon. Albisuren eskuin eskua izan da mintzagai nagusia. Ataundarrak aitortu digunez, “sentsazioak onak dira, hobera egin dit”, baina “zaila izango da %100ean iristea”.
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.