Olaizola-Urrutikoetxearentzat Binakako txapela, Irujo lesionatu ostean
Ezohiko final batean irabazi dute Olaizola II.ak eta Urrutikoetxeak Binakako Txapelketa. Juan Martinez de Irujo gorrien hamaikagarren tantoan lesionatu da, 10na zirela, eta partida uztea erabaki du 16-10ko markagailuarekin.
Bilboko Bizkaia pilotakuan jokatu den finalaren osteko aurpegiak ez da arruntena izan. Ez da izan lesionatu den Juan Martinez de Irujok, ezta Beñat Rezusta debutariak ezta irabazleek ere ez desiatutako finala izan.
10eko berdinketara arte, sei aldiz jarri dira ados bi bikoteak (1-1, 2-2, 3-3, 4-4, 6-6, 9-9 eta 10-10). Momentu horretan gertatu da partidako jokaldirik erabakigarriena.
Ordura arte, hasieran atzelariak nekatzen saiatu diren arren, Rezustak irudi ona eman du. Aimarrek Irujoren hasierako bultzadari erantzuna eman dio. Azken bi tantoak aurrelarien gantxo bikainak izan dira.
Juanek ezin izan du Aimarren gantxoa altxatu, eta min hartu du eskuin eskuko erdiko atzamarrean. Aldageletara joan da, eta gero ezinean ibili da gorrien 16. tantora arte.
Aldageletara bigarrenez joan eta gero, ezin izan du jarraitu. Aimar Olaizolak bere hamalaugarren txapela eskuratu du, Irujok baino bat gehiago, eta Mikel Urrutikoetxeak hirukoa lortu du.
Tantoak: 0-1, 2-1, 2-3, 3-3, 3-6, 4-6, 6-6, 6-7, 6-9, 9-9, 9-10, 16-10.
Zure interesekoa izan daiteke
Jokin Altunak ez du larunbatean jokatuko Tolosan, eta Dariok ordezkatuko du
Ezcarayko aurrelaria Ezkurdiarekin batera arituko da, eta Jaka eta Iztueta izanen dira aurkariak, Binakako Txapelketaren finalerdietako ligaxkaren hirugarren jardunaldian. Altuna III.a eta Ezkurdia finalerako sailkatuta daude jada, eta Jakak eta Iztuetak ez daukate final hori jokatzeko aukerarik.
Jon Ander Albisuren eskuak onera egin du eta igandeko finalerdia jokatuko du
Igandeko finalerdiko material aukeraketa egin dute gaur Adarragan, Logroñon. Albisuren eskuin eskua izan da mintzagai nagusia. Ataundarrak aitortu digunez, “sentsazioak onak dira, hobera egin dit”, baina “zaila izango da %100ean iristea”.
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.