TASek uko egin dio Espainiako Federazioak pilotako euskal selekzioaren ofizialtasunaren aurka jarritako helegitea ebazteari
Kirolaren Arbitraje Auzitegiak argitaratutako laudoaren arabera, horrek ez du eskumenik “akordio asanbleario baten inpugnazio bati buruzko erabakia hartzeko”.
Euskal selekzioak bi aldiz jokatu du ofizialki Nazioen Liga. Argazkia: EITB.
TAS Kirol Arbitrajearen Auzitegiak argitaratutako ohar batean dioenez, berak ez du eskumenik ebazpenik emateko Euskadiko Pilota Federazioa Nazioartekoaren kide gisa onartzeko erabakiaren aurka Espainiakoak aurkeztutako helegitearen gainean.
Aipatutako oharraren bidez, auzitegiak azaldu du Nazioarteko Federazioaren estatutuek ez dutela aurreikusten TASek eskumena izatea erabakitzeko nazio federazio batek Nazioartekoak hartutako akordio baten aurka aurkezten duen apelazio bati buruz.
“Nazioarteko Federazioaren (FIPV) estatutuek ez dute klausula arbitralik batzar nagusian hartutako erabakiak TASen aurrean inpugnatzea ahalbidetzen duenik”.
TASek gogora ekarri duenez, Nazioarteko Federazioaren Ohiko Batzar Nagusiak, 2024ko abenduaren 28an, estatutuak aldatzeko proposamena onartu zuen, alegia, Euskadiko Federazioa kide bezala batzea. Ordutik, Euskadik euskal pilotako txapelketetan dabil, nazioarte mailan.
Gerora, Espainiako Federazioak (FEP) apelazioa aurkeztu zuen TASen aurrean, Kubako Federazioarekin batera, Nazioarteko Federazioaren eta Euskadiko Federazioaren aurka; apelazioaren argudioa zen Nazioarteko Federazioak hartutako erabakiak TASen aurrean apelatu ahal zirela, Nazioartekoaren estatutuen 65. artikuluan oinarrituta. Kubako Federazioak, ordea, haren apelazioa bertan behera utzi zuen, 2025eko azaroan.
Orain, TASek oharrean zehaztu du ezin duela "eztabaidaren muinean sartu, aurretik ez badu ezarri TASek apelazio baten gainean ebazteko eskumenik duen ala ez”; halaber, idazkiak elkarri trukatu eta gero, eta 2025eko irailaren 11n egindako entzunaldiaren ondoren, “TASek erabaki zuen, gehiengoz, Nazioartekoaren estatutuek ez dutela aurreikusten TASek eskumenik izatea nazio federazio batek Nazioartekoak hartutako akordioen aurkako apelazio baten gaineko erabakirik hartzeko”.
“Ondorioz, FIPVren erabakia, alegia, Euskadiko Pilota Federazioa Nazioartekoaren kide bezala batzea, Auzitegiak ezin izan du aztertu”, nabarmendu du.
Euskadiko Federazioa Nazioarteko Federazioari batu zitzaionetik, Euskadiko selekzioa ofizialki dabil lehiatzen nazioarte mailan. 2025ean, ekainean, Gernika-Lumon jokatutako Nazioen Ligan lehiatu zen; azaroan, ordea, Bilbon eta Barakaldon egindako Nazioen Liga jokatu zuen.
Euskadiko selekzioaren hurrengo helburu Nagusia, hala, urriaren 9tik 18ra bitartean Argentinako Venado Tuerton jokatuko duten Munduko Txapelketa da.
Zure interesekoa izan daiteke
Elordik eta Mariezkurrenak nagusitasun handia izan dute Altuna eta Imazen aurka (6-22)
Elordik eta Mariezkurrenak aise menderatu dituzte Altune eta Imaz (6-22) CaixaBank Masterseko hirugarren jardunaldian. Hala, bitik bi garaipen lortu dituzte, eta sailkapenako bigarren postuan kokatu dira.
Zarauzko malekoia, emakumeen esku pilotaren topaleku
Zarautzek, astelehenean, ordu batzuetarako bada ere, pilotaleku zinez berezia izango du Malekoian, Laboral Kutxa kale-pilota txapelketa jokatuko baita bertan. Neurri txikiagoak izango ditu frontoiak, baina leku ezin ederragoan kokatuta egongo da. Lehen finalerdian, Laia Salsamendik eta Nora Mendizabalek neurtuko dituzte indarrak. Eta bigarrenean, Goiuri Zabaletak eta Olatz Arrizabalagak. Aurrez, 18:00etatik 20:00etara, Zarauzko pilota eskolako gazteak arituko dira nor baino nor gehiago.
Aitor Elordi bizkaitar bakarra izango da Bilboko Aste Nagusiko txapelketan
Hiru egunean jokatuko da: abuztuaren 25ean eta 26an, finalerdiak; eta 28an, finala. Lehen finalaurrekoan, Aspekoak izango dira lehian, Altuna-Rezusta bikotea Elordi-Zabaleta iazko irabazleen aurka. Baikoren adarrean, aldiz, Artola-Mariezkurrena eta Laso-Iztueta bikoteak izango dira finalerako txartelaren lehian.
Zarauzko erremonte torneoa, ostiraletik igandera
Torneoa herriko Aritzbatalde pilotalekuan jokatuko da, bi multzotan banatuta. Lehenengo finalerdia ostiral honetan jokatuko dute, San Inazio egunean: Aldabe eta Barrenetxea IV.a Goikoetxea V.aren eta Azpirozen kontra ariko dira. Larunbatean, bigarren finalerdian, Segurolak eta Juaneneak Ezkurra II.aren eta Larrañagaren aurka jokatuko dute.
Arrizabalaga-Bergara bikoteak eta Erasunek finalerako azken txartelak eskuratu dituzte
Salsamendik eta Capellanek mendean hartu dituzte Arrizabalaga eta Bergara (19-22) Plazandreak saioko laugarren jardunaldian, baina bigarrenak sailkatu dira finalerako. Ondoren, Lau t’erdiko partidan, Erasunek Ibarrolari 14-18 irabazi dio, eta bere bigarren finala jarraian jokatuko du.
Itxaso Erasun: “Beldurtuta eta oso deseroso jokatu dut"
Itxaso Erasun pilotari zizurkildarrak 18-14 irabazi dio Aizane Ibarrola nafarrari Plazandreak saioko laugarren jardunaldian, eta egungo txapeldunak bigarren finala erreskadan jokatuko du lau t'erdikoan.
Andrea Capellan: “Zapore gozoarekin baino gaziarekin goaz"
Santo Domingo de la Calzadako pilotaria ez da finalerako sailkatu: "Irabaztearekin soilik ez zen nahikoa". "Oso ondo hasi gara, hutsik egin gabe, ideiak oso argi genituela; baina Olatzek sakea hartu du eta atzean lotuta izan nau, sakeekin min handia egin dit", aitortu du atzelari errioxarrak.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Gaminde: “Ez da nire partidarik onena izan, ez naiz gustura ibili”
Enara Gamindek "Plazandreak" txapelketako 4 t’erdiko finala jokatuko du Aizane Ibarrola 18-17 mendean hartu ondoren. Laukizko pilotaria ez da egindako partidarekin gustura geratu, “partidutik atera” baita. Hala ere, bertatik ikasiko duela adierazi du, baita garaipenarekin pozik dagoela ere.
Aldai-Arrillaga bikoteak eta Gamindek lortu dituzte Plazandreak saioaren finalerako lehen txartelak
Amaia Aldaik eta Miriam Arrillagak Goiuri Zabaleta eta Nora Mendizabal 22-18 hartu dituzten mendean, partida oso gogor, luze eta borrokatuan. Era berean, lau t'erdikoan, Enara Gaminde 18-17 nagusitu zaio Aizane Ibarrolari.