4 urre eta 3 zilar lortu ditu Euskal Selekzioak Munduko Wallball Txapelketan
Leeuwardenen (Herbehereak) jokatu den Munduko Wallball Txapelketan Euskal Selekzioak urrezko 4 domina eta zilarrezko 3 domina eskuratu ditu larunbat honetan modalitate desberdinetan lehiatutako finaletan.
Balantze historikoa lortu dute: urrezko dominak bikote mistoetan, banakako emakumezkoetan, banakako gizonezkoetan eta binakako gizonezkoetan; zilarrezkoak, berriz, banakako emakumezkoetan, banakako gizonezkoetan eta binanako emakumezkoetan.
Bikote mistoen finalean, Lur Ziarrusta eta Miren Larrarte Jurrit Osinga eta Marrit Zeinstraren aurka aritu dira. Lehen seta estua izan da (21-19), baina bigarrena errazago bereganatu dute (21-15), urrea irabazteko.
Banakako emakumezkoen finalean, Miren Larrarte eta Olatz Arrizabalaga euskaldunak aritu dira, eta bigarrena nagusitu da, berdinketa hausteko hirugarren seta behar izan duen partida (16-21, 21-3 eta 6-11).
Banakako gizonezkoen finalean, Mikel Beldarrain atera da garaile Egoitz Amantegiren kontra. Lehen seta irabazi ostean (21-10), bigarrenean, kostata, bera nagusitu da (21-19).
Binakako emakumezkoetan, Miren eta Olatz kantxaratu dira berriz, Marrit eta Hiske Zeinstraren herbeheretarren aurka. Aurretik pilatutako nekea nabaritu zaie, eta zilarrarekin konformatu behar izan dute (21-14 eta 21-12).
Azkenik, binakako gizonezkoetan, Lur Ziarrusta eta Mikel Beldarrain nagusitu dira, Luke Thompson eta Christian Blackaby britainiarren aurka (21-19 eta 21-12).
Zure interesekoa izan daiteke
Lur-Alize eta Txanika-Salegi, Markina-Xemeingo finaletara
Txanikak eta Salegik ezustekoa eman eta Markina-Xemeingo Grand Slameko finalerako txartela eskuratu dute. Kitarako jokoan gailendu zaizkie Urreisti eta Gorkari. Lehen jokoan 15-12 nagusi; bigarrenean 14-15 galdu eta azkenekoan 5-3. Lurrek eta Alizek ere hirugarren seta behar izan dute Helena eta Maiari irabazteko. Lehen seta 15-14 galdu dute, bigarrena 15-14 irabazi eta azkenekoan, 5-1 jaun eta jabe izan dira.
Zabaletak eta Erasunek bigarrenez irabazi dute San Fermin Torneoa
Labriten jokatutako Emakume Master Cup zirkuituko San Fermin Torneoko Binakako txapelketan, Goiuri Zabaletak eta Itxaso Erasunek 22-8 menderatu dituzte Olatz Arrizabalaga eta Nahia Bertiz. Urdinak 1-2 aurreratu diren arren, hortik aurrera gorriak izan dira jaun eta jabe, eta nagusitasun osoz gailendu dira.
Laso-Iztueta faboritoek kostata gainditu dituzte Ezkurdia-Gabirondo (18-22)
Bikote gorria 13-8 aurreratu zen, baina 15na egin ostean, Gabirondok arazo fisikoak izan zituen, eta Laso eta Iztueta nagusi izan ziren.
Otxandorena eta Mitxeo, San Fermin Torneoko irabazleak
Eloy Otxandorena eta David Mitxeo dira erremonteko San Fermin Torneoko txapeldunak. 35-33 garaitu dituzte Matxin III.a eta Ion, pare bat alditan irauli behar izan duten partida gogorra jokatuta.
Peio Etxeberriak eta Zabaletak Larrazabal eta Albisu garaitu dituzte, 22-14
Partidaren zailtasuna nabarmendu du Etxeberriak: “Partida gogorra izan da eta hor egoten jakin dugu”.
Imanol Ansak ez du Summer Season torneoa jokatuko
Erremonteko Summer Season txapelketa aurkeztu dute. Lau bikotek hartuko dute parte larunbatean hasi eta hilaren 25ean amaituko den torneoan. Imanol Ansak ez du jokatuko “Oriamendiko zuzendaritzak hartutako erabakien kontra” egindako ekintza batzuen ondorioz, hala azaldu du Xabi Gonzalez kudeatzaileak.
Hondarribiko Grand Slama aurkeztu dute
Bihartik aurrera eta 9 ostiraletan zehar zesta puntako Grand Slamaz gozatu ahal izango da Hondarribiko Jostaldi Pilotalekuan. Hogeigarren edizioa berezia izango da. Gizonezkoetan 6 bikotek parte hartuko dute eta emakumezkoetan 4 bikotek. Finalak, abuztuaren 28an.
Jakak eta Mariezkurrenak 9-22 menderatu dituzte Ezkurdia eta Gabirondo
Jakak eta Mariezkurrenak izan dira nagusi Ezkurdia eta Gabirondoren aurka San Fermin Torneoan jokatutako kanporaketan: 9-22. Jakak onartu du lan handia egin behar izan dutela garaipena eskuratzeko.
Unai Laso: “Ez dut oraindik asko sinesten”
Unai Lasok egin duen esfortzuagatik buruko minez bukadu duela finala adierazi du: “kriston lehertua hartu dut gaur”. Asko sufritu duela ere esan du, eta “oso pozik” dagoela txapela lortzeagatik.
Horrelakoa izan da finaleko azken tanto ikusgarria
Unai Laso eta Jokin Altunaren arteko finaleko azken tantoa oso gogorra eta lehiatua izan da, partida osoa bezala.