Elhousine Elazzaoui eta Sara Alonso gailendu dira Zegama-Aizkorri mendi maratoian
Elhousine Elazzaoui eta Sara Alonso nagusitu dira Zegama-Aizkorri mendi maratoian, biek ala biek indar erakustaldia eginda. Lehen aldiz irabazi dute, gainera, mendi lasterketa entzutetsua.
Lehenengoak 3 ordu, 43 minutu eta 28 segundo behar izan ditu 42 kilometro eta 5.472 metroko desnibela duen ibilbidea osatzeko; bigarrenak, berriz, 4 ordu, 27 minutu eta 25 segundoko marka egin du.
Gizonezkoen proban, korrikalari marokoarra zen faborito nagusietako bat, eta ez du hutsik egin. Hasierako zatian ez da itsutu, indarrak ondo neurtu ditu, eta Andraitzen gora jo du eraso erabakigarria.
Atzean utzi ditu Andreu Blanes (bigarrena) eta Daniel Pattis (hirugarrena), eta, ondoren, aldapa behera, ziztu bizian joan da. Pozarren eta jendea agurtuz sartu da helmugan. Ez da gutxiagorako; izan ere, 2023ko eta 2024ko edizioetan bigarren izan eta gero, azkenik, aurtengoan, lortu du Zegama-Aizkorrin jaun eta jabe izatea, Kilian Jornet handiaren tokia hartuta podiumeko gorengo mailan.
Emakumeen lasterketan, bestalde, atleta donostiarrak lan bikaina egin du, hasieratik helmugaraino joan baita lasterketaren buruan. Bidean, bi eroriko izan ditu, baina ezbehar horiek ez dira eragozpen izan bere lehendabiziko garaipena lortzeko Zegaman.
2022an, bigarren izan zen. Hurrengo urteetan, arazo ezberdinak tarteko, ezin izan zuen parte hartu. Aurtengo edizioan, irabaztea zuen helburu. Sekulako lasterketa egin du, eta lehendabiziko aldiz gailendu zaio bigarren tokian iritsi den Judith Wyder suitzarrari.
Garaipena poltsikoan zuela jakinda, azken kilometroak gozatzen egin ditu, eta azken metroetan esprinta ere egin du. Ametsa beteta, gogotik ospatu du helmugan.
Hirugarrena, berriz, Malen Osa izan da. Korrikalari oñatiarrak ere lasterketa ederra egin du. Ohiko duen moduan, atzetik aurrerakoa egin du. Bere erritmoan hasi du maratoia, eta aurkariak bata bestearen atzetik harrapatu ditu lasterketaren bigarren zatian, hirugarren tokian amaitu arte.
Gizonezkoetan, Paul Ormaetxea korrikalari bizkaitarra izan da lehen euskal herritarra Zegamako helmugan, 13. tokian sartuta.
Zure interesekoa izan daiteke
Malen Osa: “Korrika hankekin egiten dugu, baina buruarekin eta bihotzarekin ere bai”
Malen Osa oñatiarrak bigarren postua eskuratu zuen emakumeen podiumean, pasa den Zegama-Aizkorri mendi maratoiean. Hirugarren urtea du parte hartzaile bezala, eta oraindik asko geratzen zaizkiola dio Salomoneko mendi korrikalariak.
Lasterketako protagonistak: “Oso pozik nago, baina guztiz apurtuta amaitu dut lasterketa"
Lasterketa amaitu ostean, EITBk mendi maratoiaren 25. edizioan lehen postuetan ibili diren atleta batzuekin hitz egin du.
Alexanderssonek eta Elazzaouik lortu dute garaipena Zegama-Aizkorrin; oso jendetsua izan da, eta lokatzak markatu du
Suediarrak lasterketako errekorra hautsi du, eta marokoarrak bigarrenez jarraian lortu du garaipena. Zegama-Aizkorriren 25. edizioan, ikuskizun ederra izan da.
Tove Alexanderssonek Zegama-Aizkorriko marka hautsi du, eta Elhousine Elazzaoui iaz bezala nagusitu da
04:08:10eko denbora eginda, Alexanderssonek 8 minutu baino gehiago hobetu du mendi maratoiaren aurreko marka; gizonezkoen lasterketan, Elazzaoui gailendu da, aurreko ekitaldian ere egin zuenez.
ZUZENEAN: Zegama-Aizkorri
Zegama-Aizkorri mendi lasterketaren zuzeneko emanaldia.
Nienke Brinkmanek eta Stian Angermundek irabazi dute Kilometro Bertikala
Eguraldiak baldintzatutako proba izan da, eta horren ondorioz ibilbidea laburtu egin behar izan dute. Gizonezkoetan Stian Angermundk izan da azkarrena, 32 minutu eta 47 segundo eginda. Emakumezkoetan, berriz, Nienke Brikmanek lekukoa hartu dio Naiara Irigoien azken hiru urteetako irabazleari. 38 minutu eta 21 segundotan gelditu du kronoa. Bi irabazleak, gainera, maratoia ere irabazitakoak dira.
Tove Alexandersson, Zegama-Aizkorriko faborito nagusia emakumezkoetan
Igande honetako Zegama-Aizkorri mendi maratoian luxuzko parte-hartzaileak izango dira, tartean Kilian Jornet eta Tobe Alexandersson. Gu korrikalari suediarrarekin izan gara.
Zegama-Aizkorriko Kilometro Bertikala murriztu dute baldintza meteorologiko txarrak iragarri baitituzte
Irteera Zegamako plazan izango da, 16:00etatik aurrera (hori ez da aldatuko), baina helmuga Itzubiagako txabolan izango da; aldaketa hori kontuan izanik, lasterketak 5 bat kilometroko ibilbidea izango du, eta desnibel positiboa 760 metrokoa izango da.
Podiumean egon nahi du Sara Alonsok igandeko Zegama-Aizkorrin, denbora hobetzeaz gain
Iaz irabazi ostean, aurtengo Zegama-Aizkorri presio gutxiagorekin bizi du Sara Alonso korrikalari donostiarrak. Hala ere, marka hobetu nahi du, eta podiumaren bila ere irtengo da igandean.
Zegama-Aizkorriren atzean dagoen esperientzia emozionala, aztergai
Zegama-Aizkorri mendi-maratoiaren atzean dauden sentimenduetan sakondu dute Deustuko Unibertsitateko ikertzaileek lan baten bidez. Zer-nolako ondorioak atera dituzten azaldu dute bideo honetan.