Rahmek hirugarren handia nahi du Estatu Batuetako Irekian, Shinnecock Hills zelai zailean
Barrikako jokalariak protagonista izan nahi du Scottie Scheffler eta Rory McIlroyren aurrean, besteak beste, zelai beldurgarri batean, Shinnecock Hillsen (New York).
Jon Rahm golf-jokalari bizkaitarra, Andaluzian. Argazkia: EFE
Jon Rahm golf-jokalari bizkaitarra Estatu Batuetako Irekia irabazteko faboritoetako bat da, ostegunetik Shinnecock Hillsen (New York) jokatuko den denboraldiko hirugarren Grand Slama. Scottie Scheffler eta Rory McIlroy buru dituen munduko jokalari onenen aurrean protagonista izan nahi du Rahmek.
Barrikako lehoiak bi txapelketa handi irabazi ditu, Estatu Batuetako Irekia 2021ean eta Mastersa 2023an. Rahm munduko sailkapenaren gailurrera iritsi da berriz ere. Bizkaitarra LIV Golfera joan zenetik lehen postuan finkatu den Schefflerren benetako azken aurkaria izan da. Saudi Arabiako zirkuitura alde egiteagatik polemikak Rahm inguratu du, eta bere mailara berriro itzultzea asko kosta zaio, batez ere txapelketa handietan, nahiz eta LIVen jokatutako bi denboraldietan garaipenak erdietsi.
Profesionaletan hamarkada bat bete duenean, 31 urterekin, Barrikakoak bere garaipen lehortea eten du, Hong Kongen eta, ondoren, Mexikon irabazita. Baina, batez ere, Augustako Masterrean eskas egin ondoren, Rahm PGAko Txapelketan handi bat lortzeko lehian egon zen berriro joan den hilabetean, bigarren postuan amaituta. Duela bi aste, Valderramako torneoan behetik gora egin zuen, eta, astebeteko atsedenaren ondoren, sasoi betean iritsi da New Yorkera.
Rahmek hirugarren mayorra lortu nahi du, Estatu Batuetako Irekiaren ohiko gogortasunari aurre egiteko behar den kalitatea erakutsi ondoren, sei aldiz parte hartu eta lautan hamar onenen artean bukatu baitu.
Shinnecock Hills zeresan handia ematen ari da, Long Islanden espero den haizearekin bolari eutsiko ez dioten green gogor eta azkarrengatik. Estatu Batuetako Irekia ez da ulertzen zelai horiek gabe, jokalari onenak muturrera eraman gabe.
Scheffler golfean jokatzeko makina da oraindik, eta Grand Slama osatzeko lehen aukera du New Yorken. Igandean irabaziz gero, estatubatuarra balentria lortzen historiako zazpigarren golf-jokalaria izango litzateke, McIlroy iazko Mastersko seigarrena izan ostean, Ben Hogan, Gene Sarazen, Gary Player, Jack Nicklaus eta Tiger Woodsen atzetik.
Zure interesekoa izan daiteke
Sinnerrek titulua berretsi du Wimbledonen
Tenislari italiarrak lau setetan irabazi dio Alexander Zverevi finalean, 6-7 (7), 7-6 (2), 6-3 eta 6-4ko emaitzarekin, bigarrenez jarraian Londresen garaile bihurtzeko. Bere bosgarren Gand Slama da.
Vicent Terrier eta Alicia Gutierrez gailendu dira Gasteizko Ironmanean
Vincent Terrier frantziarra izan da azkarrena Gasteizko Ironmanean. Igeri hirugarrena izan eta gero, bizikleta gainean jarri da lider. Emakumezkoetan, berriz, Alicia Gutierrez nagusitu da eta Mikel Garmendia lehen euskalduna izan da helmugan. Zortzigarren lekuan heldu da.
Basque Teameko Kai Odriozola surflariak hirugarren postua eskuratu du Qualifying Serieetako Lacanau Pron
Bere anaia Hansek, Europako sailkapeneko liderrak, irabazi du txapelketa.
Pau Etxaniz palistari Joko Olinpikoetan irabazitako domina lapurtu diote
Duela egun batzuk, lapurrek kirolariaren kotxean sartu ziren eta eserlekuetako baten azpian utzita zuen domina eraman zuten.
Linda Noskovak ez dio aukerarik eman Muchovari eta Wimbledon irabazi du
Noskova Wimbledoneko txapeldun gazteena da Petra Kvitova herrikideaz geroztik, 2011n, eta hirugarren txekiarra azken lau urteetan.
Carlota Cigandak ez du kortea gainditu Amundi Evian Championshipean
75 kolperekin amaitu duen bigarren jardunaldi baten ostean, guztira 147rekin, ezin izan du lehenengo jardunaldiko jokoa hobetu.
Carlota Cigandak lehen postuetaik urrun amaitu du Aumundi Evian Championshiparen inaugurazio jardunaldian
Nafarrak 72 kolperekin (+1) osatu du jardunaldia eta 69. postuan bukatu du. Aki Iwai japoniarrak 63 kolpeko txanda perfektua egin du (-8) lehen postuan amaitzeko, bigarren Perrine Delacour frantziarra da 65 kolperekin (-6), hirugarren sailkatua den Hee Im Jin korearrak baino bat gutxiago (-5).
Pou anaien zortzigarren espedizioa Andeetako Cordillera Blancara
Abentura ez da ondo hasi, izan ere, Eneko, anaia zaharrena, 15 egunez egon da ohean gaixorik bronkitis batekin. Behin sendatuta, 5.350 metroko altuera duen Ichic Ultan gailurra egin dute.
Gasteizko Ironmanak 3.000 atleta inguru bilduko ditu igande honetan Arabako hiriburuan
Gasteizko Villa Suso Jauregiak hartu du gaur goizean aurkezpena. Proba 07:00etan abiatuko da, Uribarriko urtegian, eta Plaza Berrian amaituko da. Lasterketa beste lau urterako ziurtatu dute.
Clara Azurmendiri ebakuntza egin diote belaunean, aurreko lotailu gurutzatua hautsi ondoren
Badminton jokalari donostiarrak iragan ekainean, Kaliforniako Unibertsitatean, jokatutako US Open txapelketako lehen egunean min hartu zuen.