Maxime Lucuren Bordelek bigarrenez jarraian irabazi du Txapeldunen Kopa, Bilbon
Bordelek nagusitasun handiz garaitu du Irlandako Leinster taldea (19-41). Maxime Lucu lapurtarra izan da finaleko jokalaririk onena. San Mamesek marka berria ezarri du, estadioan 52.327 ikusle bilduta.
Maxime Lucu lapurtarra, Txapeldunen Kopa jasotzen. Argazkia: EFE
Maxime Lucu lapurtarraren (Senpere, 1993ko urtarrilaren 12an) Bordele Begles taldeak bigarren urtez jarraian irabazi du Europako Txapeldunen Kopa, San Mamesen jokatu den final handian Irlandako Leinster taldea hasiera batean espero baino nagusitasun handiagoarekin garaituta (19-41).
52.327 ikusle izan dira San Mamesen, horrelako final batean inoiz bildu den kopururik handiena, eta, beraz, marka berria ezarri dute.
Hainbat baja izan arren, Leinsterrek talde sendoa atera du zelaira, eta hasieratik erasora jo dute Leo Cullen gizonek. Horrela, 8. minuturako aurretik jarri dira markagailuan, O’Brienen eskutik.
Edonola ere, Irlandako taldearen nagusitasunak ez du askorik iraun. Bordeleko taldea laster hasi da berezko duen abiadurarekin lehiatzen, eta abagune guztiak ederki baliatu ditu. Bost entsegu egin dituzte bata bestearen atzetik; gaur arte Txapeldunen Kopako final batean inork egin ez duena, hain justu ere.
Lehen zatian, Bordelek airean ibili du Leinster. Hala ere, Irlandako taldea ez da kikildu, eta bigarren zatian ahalegindu da erreakzionatzen, Maxime Lucu txartel horiarekin egotzi dutela aprobetxatuta.
Alabaina, emaitza iraultzeko saiakera hori ezerezean geratu da Lucu berriro zelaira itzuli denean. Senpertarrak ostikoz pare bat pase bikain eginda, Bordelek aldea handitu du, berriz ere, markagailuan. 16 puntu eginda, eta paseetan hutsik egin gabe, Lucu aukeratu dute finaleko jokalaririk onena.
Erabat gaindituta egon arren, Leinsterrek partidan sartuta jarraitu du, eta azken txanpan aurkariaren zelairaino eraman du jokoa. Horrela, Garry Ringrosek hirugarren entsegua egin du bere taldearentzat, baina finala erabakita zegoen ordurako, eta Bordeleko zaleak neurketa bukatu baino lehen hasi dira garaipen handia ospatzen.
Zure interesekoa izan daiteke
Montpellierrek hirugarrenez irabazi du Challenge Kopa
59-26 irabazi dio Ulster Ipar Irlandako taldeari San Mamesen jokatutako finalean.
?fmt=webp-alpha&qlt=80)
Frantziarrek eta irlandarrek Bilbo hartu dute, San Mamesen Europako txapeldun izateko itxaropenarekin
Frantziako eta Irlandako taldeen arteko lehia bikoitza izango da. Ostiral honetan (21:00), EPCR Challenge Cup Europako bigarren txapelketaren finala jokatuko dute Ulsterrek eta Montpellierrek. Larunbatean (15:45), Investec Champions Cup txapelketa nagusiko final handia izango da Bordeaux eta Leinster taldeen artean.
Rakel Mateok paratriatloia utziko du eta paraeskaladan arituko da, Los Angeles 2028 helburu izanik
“Fisikoki eta mentalki motibatuko ninduen erronka bat behar nuen”, adierazi du Mateok, eta aldaketa bere ibilbidearen bilakaera naturaltzat hartu du.
Egoitz Bijueska: “Pozik nago munduko txapelduna izateagatik, baina lasaitasuna sentitzen dut batez ere”
Egoitz Bijueska skaterrak urrezko domina lortu du, 15 urterekin, Brasilgo Munduko Txapelketan. Rankingean lehena da 95,83 punturekin, bigarrenez. Orain, hitzordu garrantzitsu batzuk ditu aurretik eta horiek gainditzea da bere helburua. (Bideoa gazteleraz)
Jon Rahm bigarren izan da Filadelfian; Aaron Rai, garaile
Orduan lehen postuan Alex Smalley estatubatuarra bi kolpera zuela hasi zuen PGA txapelketako azken jardunaldia barrikarrak. Azkenean, Smalleyrekin berdinduta bukatu zuen bigarren postua, Rai irabazlea hiru kolpera zuela.
Jon Rahm PGA txapelketa irabazteko aukerekin iritsi da azken jardunaldira
Barrikakoa lidergotik bi kolpera dago, igandeko azken jardunaldiaren faltan.
Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Ines Allende eta Eneko Carretero, Euskal Herriko Boulder txapeldunak
Allendek nagusitasunez hartu zituen mendean Elur Arteaga eta Sara San Martin, eta Carreterok gauza bera egin zuen Andoni Esparta eta Mikel Linazisororekin. 150 eskalatzaile elkartu ziren igandean, Iruñeko Bihatz Eskalada Gunean.
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.