Frantziarrek eta irlandarrek Bilbo hartu dute, San Mamesen Europako txapeldun izateko itxaropenarekin
Frantziako eta Irlandako taldeen arteko lehia bikoitza izango da. Ostiral honetan (21:00), EPCR Challenge Cup Europako bigarren txapelketaren finala jokatuko dute Ulsterrek eta Montpellierrek. Larunbatean (15:45), Investec Champions Cup txapelketa nagusiko final handia izango da Bordeaux eta Leinster taldeen artean.
:eitb-banner?$eitb-banner$&fmt=webp-alpha&qlt=80 "Ulster eta Montpellier Herault, EPCR Challenge Cupeko finalistak. Artxiboko argazkiak: Europa Press / muntaia EITBKirolak")
Ulster eta Montpellier Herault, EPCR Challenge Cupeko finalistak. Artxiboko argazkiak: Europa Press / muntaia EITBKirolak
Union Bordeaux Begles eta Leinster, Investec Champions Cup txapelketan, eta Ulster eta Montpellier Herault, EPCR Challenge Cup txapelketan, izango dira gaur, ostirala, eta bihar, larunbata, Bilboko San Mames futbol zelaian jokatuko diren gizonezkoen Europako errugbi bi txapelketa nagusien finalak.
Ostiral honetan, hilak 22 (21:00) , Challenge Cupeko garaikurrarengatik borrokatuko dute Ulster Rugby talde irlandarrak eta Montpellier Herault frantziarrak. Irlandarrek Exeter Chiefs talde ingelesa mendean hartu zuten finalerdietan (29-12), eta frantziarrek Dragons RFC Galeseko taldea (18-12).
Larunbatean, hilaren 23an (15:45), txapelketa kontinental nagusiko final handia izango da. Union Bordeaux Beglesek, egungo txapeldunak, bere finalerdian Bath ingelesari irabazi zion (38-26) eta garaipena errepikatzeko txartela lortu zuen. Leinster talde irlandarrak Toulon kanporatu zuen finalaurrekoan (29-25).
Horrela, Leinster San Mamesera itzuliko da, eta bertan irabazi zuen Europako bere azken garaikurra 2018an, Racing 92 mendean hartuta.
Casilda Iturrizar parkeko pergolaren inguruan kokatuta dagoen Champions Rugby Village 'fan zone' ofizialak pantaila erraldoi bat du bi finalak ikusteko.
Esparru hori gaur eta bihar egongo da irekita, 11:00etatik 01:00etara, eta animazio, musika, kirol eta kultur jarduerekin egitarau zabala eskainiko da bertan.
Bi finalek eragozpenak sortuko dituzte Bilboko zirkulazioan eta garraio publikoan, batez ere San Mames futbol zelaitik eta Casilda Iturrizar parketik gertu, bertan egongo baita 'fan zone' ofizial hori.
Zure interesekoa izan daiteke
Alazne Aurrekoetxea, Europako surf txapelduna
Surflari bizkaitarrak Europako titulua eskuratu du Salinasen (Asturias), final bikain batean nagusituta. Garaipenak sasoi betean dagoela berretsi du, duela aste gutxi Espainiako txapelketa irabazi ondoren.
Chourrautek zazpigarren amaitu du Oklahomako Muduko Txapelketaren kayak finala, eta Echanizek hamargarren
Emakumezkoen K1 finalean, Jessica Fox australiarrak lortu du urrea, Evy Leibfarth estatubatuarrak zilarra eta Kimberley Woods ingelesak brontzea. Gizonezkoen K1 finalean, Jakub Krejci txekiarrak irabazi du, Michal Pasiut poloniarrak zilarra eta Giovanni De Gennaro italiarrak brontzea.
Maialen Chourraut eta Pau Echaniz, Oklahomako Munduko Txapelketako kayak finalera
Chourrautek jaitsiera garbia egin du, penalizaziorik gabe, eta seigarren izan da. Munduko txapelketa batean seigarren finala jokatuko dut lasartearrak. Bestalde, Echaniz zazpigarren izan da finalerdian, eta bere bigarren finala du.
Pou anaiek Alpamayo mendia igo dute, Perun
5.947 metro ditu, eta mendi ospetsua denez, espedizio ugari egiten dira egunero helburu berarekin. Horregatik, Ikerrek eta Enekok igoera gaueko hamaiketan hastea erabaki zuten, beste eskalatzaileak igotzen hasi aurretik.
Miren Lazkano eta Klara Olazabal Basque Teameko piraguistak kanoako finalerdietara pasatu dira Oklahomako Munduko Txapelketan
Alex Segurak eta Oier Diazek agur esan diote lehiari.
LIV Golf azken txanpan sartuko da, eta Rahm txapeldun izan daiteke hirugarren urtez jarraian
Barrikako golflariak, sailkapen nagusian 928,5 punturekin dabil. Garaipena behar du Erresuma Batuko Irekian hirugarren koroa lortzeko, eta, era berean, Bryson DeChambeau estatubatuarra 644,4 punturekin dabil.
Chourraut eta Echaniz Oklahomako Munduko Txapelketako kayakeko finalerdirako sailkatu dira
Leire Goñik, aldiz, agur esan dio banakako txapelketari, 46. postuan sailkatu baita. Lehenengo hogeita hamarrak sailkatu dira finalaurrekorako.
Mikel Arrasate, distantzia erdiko Europako triatloi txapelduna: “Oso pozik eta ezin sinetsita nago, amets bat da"
Mikel Arrasate Lekeitioko triatletak distantzia erdiko Europako txapelketa bereganatu zuen igandean. Haren esanetan, "lagun, senide eta neska-lagunarekin partekatzea izan da bereziena". Era berean, Arrasatek uste du oso garrantzitsua dela "egunero lantzen eta hobetzen duzunaz gozatzea".
Lazkano, Chourraut eta Echaniz Oklahomako Munduko Txapelketako kanporaketetarako sailkatu dira kayak krosean
Miren Lazkano, gainera, laugarren sailkatu da. Bestalde, Maialen Chourraut hamargarren izan da, eta Pau Echaniz 27. tokian helmugaratu da.
Rahm txapelketa nagusirik irabazi gabe geratu da, hirugarren urtez jarraian
Barrikakoak 46. postuan amaitu zuen Erresuma Batuko Irekian; Ryan Fox zeelandaberritarrak eskuratu du lehenengo postua.