Rakel Mateok paratriatloia utziko du eta paraeskaladan arituko da, Los Angeles 2028 helburu izanik
“Fisikoki eta mentalki motibatuko ninduen erronka bat behar nuen”, adierazi du Mateok, eta aldaketa bere ibilbidearen bilakaera naturaltzat hartu du.
Rakel Mateok paratriatloia utziko du eta paraeskaladan ibiliko da hemendik aurrera, Los Angelesen 2028ko Joko Paralinpikoetan lehiatzeko helburuarekin, asteazken honetan iragarri duenaren arabera: “fisikoki eta mentalki motibatuko nauen erronka berri bat behar dut”, adierazi du Basque Teameko kirolariak, eta aldaketa bere ibilbidearen bilakaera naturaltzat hartu du.
Basque Teamek zabaldutako prentsa oharrak zehazten duen bezala, Mateo nazioarte mailan egokitutako kirolaren erreferentea da, eta adierazi du eskaladaren exigentzia teknikoa eta estrategikoa izan direla pausua emateko arrazoietako batzuk. Ibilitako hiru joko paralinpikoetan, bi diploma eta hamargarren postu bat lortu ditu, Abu Dhabiko 2021eko Munduko Txapelketan lortutako laugarren postua eta Europako Txapelketetan lortutako lau dominak (brontzezko hiru eta zilarrezko bat) nabarmentzeko modukoak dira.
Paraeskaladarako egokitzapen prozesua hasi du Mateok. Kirolak Los Angelesen 2028ko Joko Paralinpikoetan eginen du debut ofiziala.
Zure interesekoa izan daiteke
Egoitz Bijueska: “Pozik nago munduko txapelduna izateagatik, baina lasaitasuna sentitzen dut batez ere”
Egoitz Bijueska skaterrak urrezko domina lortu du, 15 urterekin, Brasilgo Munduko Txapelketan. Rankingean lehena da 95,83 punturekin, bigarrenez. Orain, hitzordu garrantzitsu batzuk ditu aurretik eta horiek gainditzea da bere helburua. (Bideoa gazteleraz)
Jon Rahm bigarren izan da Filadelfian; Aaron Rai, garaile
Orduan lehen postuan Alex Smalley estatubatuarra bi kolpera zuela hasi zuen PGA txapelketako azken jardunaldia barrikarrak. Azkenean, Smalleyrekin berdinduta bukatu zuen bigarren postua, Rai irabazlea hiru kolpera zuela.
Jon Rahm PGA txapelketa irabazteko aukerekin iritsi da azken jardunaldira
Barrikakoa lidergotik bi kolpera dago, igandeko azken jardunaldiaren faltan.
Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Ines Allende eta Eneko Carretero, Euskal Herriko Boulder txapeldunak
Allendek nagusitasunez hartu zituen mendean Elur Arteaga eta Sara San Martin, eta Carreterok gauza bera egin zuen Andoni Esparta eta Mikel Linazisororekin. 150 eskalatzaile elkartu ziren igandean, Iruñeko Bihatz Eskalada Gunean.
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.
Nerea Garciak brontzea irabazi du K2ko 500 metroko proban, Szegedeko Munduko Kopan
Bestalde, Begoña Lazcano laugarren izan da K1eko 5.000 metroko finalean.
Angela Vilariño lehiaketara itzuliko da, bularreko minbizia gaindituta
Bost urteko tratamenduaren ondoren, Hondarribiko pilotuak abenduan jaso zuen sendagiria. Gaur jakinarazi du Europako Mendi Txapelketara itzuliko dela. Gainera, Porsche 911 GT3 bat gidatuko du.
Rahmek akordioa sinatu du DP World Tourrekin
Hilabetetako tentsioen ondoren, Barrikako golf jokalariak Europako zirkuituarekin duen gatazka konpondu du, zigorrak ordaintzea eta hainbat txapelketatan parte hartzea adostuta.