Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Jon Rahm, PGA Championshipeko lehen jardunaldian. Argazkia: EFE.
Jon Rahmek kolpe bat parraz azpitik egin du 2026ko PGA Championshipeko lehenengo egunean, ostegunean, AEBn. Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek Rahmek baino bi gutxiago baliatu dituzte, hiru parretik beherako txartela aurkeztu baitute.
Lehenengo tokian dauden golf-jokalariak hauexek dira: Scottie Scheffler estatubatuarra, Min Woo Lee australiarra, Martin Kaymer eta Stephan Jager alemaniarrak, Aldrich Potgieter hegoafrikarra, Ryo Hisatsune japoniarra eta Alex Smalley estatubatuarra.
Jon Rahm gero eta hobeto aritu da. Lehenengo hamar zuloetan, ez da ondo ibili, baina hamaikagarrenean eagle ikusgarri bat erdietsi du. Azken zuloan, birdie bat egin du, eta, horrenbestez, zelaiko parraz azpitik eman dio amaiera egunari.
“Aste hasieran uste zen 15-20 kolpe parraz azpitik egin beharko zirela txapelketan gailentzeko. Agian uste hori PGAko norbaitek entzun du, eta zerbait egin du, horrekin lotuta”, adierazi du barrikarrak, erdi txantxetan, prentsaurrekoan, emaitzak hizpide hartuta.
Ostiralean, aurtengo PGA Championshipeko bigarren jardunaldia jokatuko dute.
Zure interesekoa izan daiteke
Carlota Cigandak ez du kortea gainditu Amundi Evian Championshipean
75 kolperekin amaitu duen bigarren jardunaldi baten ostean, guztira 147rekin, ezin izan du lehenengo jardunaldiko jokoa hobetu.
Carlota Cigandak lehen postuetaik urrun amaitu du Aumundi Evian Championshiparen inaugurazio jardunaldian
Nafarrak 72 kolperekin (+1) osatu du jardunaldia eta 69. postuan bukatu du. Aki Iwai japoniarrak 63 kolpeko txanda perfektua egin du (-8) lehen postuan amaitzeko, bigarren Perrine Delacour frantziarra da 65 kolperekin (-6), hirugarren sailkatua den Hee Im Jin korearrak baino bat gutxiago (-5).
Pou anaien zortzigarren espedizioa Andeetako Cordillera Blancara
Abentura ez da ondo hasi, izan ere, Eneko, anaia zaharrena, 15 egunez egon da ohean gaixorik bronkitis batekin. Behin sendatuta, 5.350 metroko altuera duen Ichic Ultan gailurra egin dute.
Gasteizko Ironmanak 3.000 atleta inguru bilduko ditu igande honetan Arabako hiriburuan
Gasteizko Villa Suso Jauregiak hartu du gaur goizean aurkezpena. Proba 07:00etan abiatuko da, Uribarriko urtegian, eta Plaza Berrian amaituko da. Lasterketa beste lau urterako ziurtatu dute.
Clara Azurmendiri ebakuntza egin diote belaunean, aurreko lotailu gurutzatua hautsi ondoren
Badminton jokalari donostiarrak iragan ekainean, Kaliforniako Unibertsitatean, jokatutako US Open txapelketako lehen egunean min hartu zuen.
Nazioarteko Batzorde Olinpikoak aldi baterako kendu dio zigorra Errusiari
Neurria 2023ko urritik zegoen indarrean, eta Ukrainako gerragatik eta dopin-programarengatik jarri zuten.
Egoitz Bijueskak urrea eskuratu du X Games txapelketan, eta historia egiten jarraitzen du
15 urteko bilbotarrak urrezko domina eskuratu du Japonen jokatu den Park modalitateko X Games txapelketan. Tom Schaar eta Keegan Palmer mendean hartu ditu bizkaitarrak, denboraldi bikaina berretsiz.
Emma Huntek abiadura eskaladako errekorra hautsi du, lehen aldiz sei segundotik jaitsita
Estatubatuarrak Aleksandra Miroslaw txapeldun olinpikoak zuen 6.03ko marka hautsi du.
Egoitz Bijueskak zilarra irabazi du X Games txapelketetan
15 urteko bilbotarra bolada onean da, martxoan Park modalitateko munduko txapeldun izan ondoren.
Maddi Marquet eta Luke Willian, Onditz Memorialean garaile
Igande goizean Donostian jokatutako Onditz Memorialean, 640 parte-hartzaile egon dira. Luke Willian australiarra nagusitu da gizonezkoen proban, eta atzetik, 9 segundora, Mikel Arrasate bizkaitarra helmugaratu da. Emakumezkoetan, Maddi Marquet donostiarra izan da nagusi, argi eta garbi, 8 minuturen aldea atera baitio bigarren sailkatuari.