Frantziako Errugbi Ligako finalerdiak Donostian jokatuko dira 2023ko ekainean

Donostiako Reale Arena estadioan jokatuko dira Frantziako Errugbi Ligako (LNR Ligue Nationale de Rugby) finalerdiak 2023ko ekainean. Realak eta Donostiako Udalak elkarlanean aurkeztu zuten hautagaitza. Finala Parisen jokatuko da.

Futbolaz gain, Reale Arena birmoldatu dutenetik Donostiako estadioak hartuko duen lehen kirol-ekitaldi handia izango da. Anoetak 40.000 ikuslerentzako edukiera du, eta Frantzian errugbiak indar handia duenez, milaka zale gerturatuko dira Donostiara.

Biarritz Olympique eta Aviron Bayonnais euskal taldeek partidak jokatuta dituzte Reale Arenan, eta AEBko eta Tongako selekzioek bertan jokatu zuten 2018an, Munduko Txapelketa prestatzeko partida.