Igande honetan hasiko da "Helmuga" saioaren hirugarren denboraldia
Igande honetan ekingo dio denboraldi berriari "Helmuga" saioak. Hirugarren urtez, eguneroko agendatik kanpo geratzen diren kirolariei egingo die lekua Ana Ramosek aurkeztutako saioak, euren jarduerak eta historiak ahalik eta modu erakargarrienean erakustea da "Helmuga" saioko lan-taldearen helburua. Ohiko legez, lehenengo emanaldia igande goizetan izango du, 11:30ean, ETB1en eta eitb.eus-en. Ondoren, astearte gauetan "Baserria Zuzenean" saioaren ostean eta larunbat eguerditan izango da ikusgai.
Saioari ekiteko protagonista bakarra hautatu dute, Xabi Zurutuza moto pilotu gaztea. Legazpiarra da eta 15 urte besterik ez ditu eta European Talent Cup delakoan aritzen da maila bikainean gainera. Garaipenak lortu ditu, baina moto lasterketen alde iluna ere ezagutu du. Aurtengo denboraldian bi lagun, bi pilotu gazte, hil baitira bera ari den zirkuituan.
Platoan zein kanpoan eginiko elkarrizketak, eta mimoz landutako erreportajeak ditu ardatz "Helmuga" saioak. Helburu zehatzekin, helmuga jakin batera heldu nahi duten pertsonen txokoa da, esateko eta erakusteko asko duten kirolariak ezagutzeko parada eskaintzen diguna.
Zure interesekoa izan daiteke
Bat to Milano Cortina 2026: Izotz gaineko patinaje artistikoa, "kirola arte bilakatzen denean"
Iker Oyarzabal eta Euken Alberdi izotz gaineko patinatzaileak dira "Bat to Milano Cortina 2026" dokumental-sortaren atal berriko protagonistak.
Idoia Esnaola maratoilaria
Idoia Esnaolak 143 maratoi egin ditu bere ibilbidean. Zer sentitzen duen azaldu du elkarrizketa honetan, aurrera begira dituen helburuak zehazteaz gain.
Idoia Esnaola maratoilaria, "Helmuga" saioko protagonista, igande honetan
Idoia Esnaola korrikalaria izango da igande honetako protagonista, ETB1eko "Helmuga" saioan. Halako lasterketak egiteak zer ematen dion kontatuko du, besteak beste.
Helmuga: Nomadak
Ainhize Belar eskalatzaile gaztea izan da aste honetako protagonistetako bat ETB1eko "Helmuga" saioan. Etorkizunari begira dituen helburuez mintzatu da, besteak beste.
Bat to Milano Cortina 2026: Iraupen eskia, denak zentzua hartzen duenean
Basque Teamen "Bat to Milano Cortina 2026" dokumental sortaren atal berriak iraupen-eskia izan du hizpide, aste honetan. Peio Añarbe eta Imanol Rojo iraupen-eskiatzaileak elkarrizketatu dituzte.
Ainhize Belar eskalatzailea izango da aste honetan "Helmuga" saioko protagonista
Atxondoko eskalatzaile gaztea elkarrizketatuko dute igande honetan, ETB1eko "Helmuga" saioan. Orain arteko lorpenez gain, etorkizunari begira dituen helburuez ere hitz egingo du.
Bat to Milano Cortina 2026: curlinga, epikaz betetako istorioa
Mikel Unanue eta Oihane Otaegi curling jokalariek kirol honetan aritzeak zer-nolako gorabeherak eragin dizkien kontatu dute: entrenatzeko zailtasunak eta egin beharreko bidaiak, esaterako.
Helmuga: Egoitz Bijueska, skate munduko gailurrean
Egoitz Bijueska skater bilbotarra izan da "Helmuga" saioko protagonistetako bat. Nola entrenatzen duen kontatu du, besteak beste.
Egoitz Bijueska skaterra izango da igandeko "Helmuga" saioko protagonista
15 urteko skater bilbotarra elkarrizketatuko dute igandeko "Helmuga" saioan, 11:30ean hasita, ETB1en. 15 urteko skater bilbotarrari elkarrizketa egingo diote, orain arte jorratutako ibilbide oparoari buruz.
"Helmuga" kirol-saioaren emanaldiak
Ikusi hain ezagunak ez diren kirolariei eta praktikatzen dituzten kirolei ahotsa ematen dien igande goizetako kirol-saioa.