Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Luken Beitiak 2030 denboraldia amaitu arte luzatu du Realarekin duen kontratua. Elgoibarko erdiko atzelaria infantiletan iritsi zen Realera, eta, azken denboraldietan Sanseren funtsezko zutabea izateaz gain, dagoeneko bost partida jokatu ditu lehen taldearekin.
Ildo horretan, denboraldiaurrea Pellegrino Matarazzo entrenatzailearen aginduetara egiten ari da lehen taldean, eta larunbat honetan jokatuko du Racing Santanderren aurkako lehen lagunartekoan ziurrenik, Zubietan.
Horrela, 22 urteko jokalariaren berritzearekin batera, Sansen aritu diren Alex Lebarbier, Alex Marchal, Unax Agote eta Ibai Agirrek ere berritu dute talde donostiarrarekin. Realak Kazunari Kita japoniarra ere erosi du, klubak Kyota Sanga talde japoniarrarekin zuen akordioa bete eta gero. Atzelaria utzita egon zen pasa den denboraldian eta Realak jokalaria erosteko aukera zuen.
Te puede interesar
Nahia Aparicio: “Poz handia hartzen dugu horrelako partidak jokatzeagatik”
Nahia Aparicio Realeko jokalariak eta Arturo Ruiz entrenatzaileak Chelsearen aurkako kanporaketaru buruz aritu dira hitz egiten. Apariciorentzar oso norgehiagoka berezia izango da; Ruizentzat, berriz, "ilusio berri bat".
Chelsea-Reala, Txapeldunen Ligako hirugarren sailkatze kanporaketan
Joaneko partida Londresen jokatuko dute, ziurrenik abuztuaren 26an, eta itzuliko neurketa, Gipuzkoan, irailaren 2an izango da, aldaketarik ez bada. Talde irabazlea liga faserako sailkatuko da; galtzailea, ordea, Europa Kopako bigarren sailkatze kanporaketara pasako da.
Mikel Oyarzabal entrenamenduetara itzuli da Realarekin
Txuri-urdinen kapitainak amaitutzat eman ditu hiru asteko oporrak, eta gainerako taldekideekin hasiko da lanean denboraldi berria prestatzen, munduko txapeldun bihurtu ostean. Realak Betisen aurka egingo du debuta Ligan datorren ostiralean, abuztuaren 21ean, 21:30ean.
Realak Chelsea, Wolfsburgo, Paris Saint-Germain edo Juventus izango du aurkari Txapeldunen Ligako sailkatze kanporaketan
Zozketa asteartean egingo dute, 13:00etan. Arturo Ruizen taldeak abuztuaren 26an jokatuko du joaneko partida, eta itzuliko neurketa, ordea, irailaren 2an izango da. Kanporaketako irabazleak Txapeldunen Ligako liga fasea jokatuko du, eta galtzailea, aldiz, Europa Kopan arituko da.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.