Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Mikel Oyarzabal, Realak irabazitako Kopa jasota. Argazkia: Europa Press.
Realzaleek talde txuri-urdinak apirilaren 18an irabazi zuen Errege Koparekin argazkia egin ahalko dute ekainaren 19tik aurrera (ostirala), klubak irekiko duen tituluaren gaineko erakusketa baten testuinguruan; hain zuzen ere, GUazen KOPAREKIN erakusketa da, eta horrek garaikurrarekin argazkia ateratzeko aukera emango die zaleei. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan izango dute txartela eskuragarri, eta gainerako zaleek, 6 euroan.
Arestian esan bezala, erakusketa Anoetan izango da; sarbidea 8. atearen ondoan dagoen Keler Espaziotik egin beharko dute bisitariek. Realak zehaztu duenez, ikusgai izango dira “finaleko elementu eta dokumentu esklusiboak”, jendeak deskubritu ahalko ditu ezagutu gabeko istorioak “eta gure Kopako ibilbideari buruzko kontakizun bisualak”. “Eta, noski, altxor handienarekin, gure Kopa maitearekin, argazkia egiteko” parada izango dute, nabarmendu du Donostiako klubak.
Hala, bisitariek sarrerak erreserbatu egin beharko dituzte, Realaren web-orriaren bidez. Bazkideek, akziodunek eta RS Fanek 3 euroren truke eskuratuko dituzte (taldeka joanda, gutxienez lau bazkide, akziodun edo RS Fan direnak batuta, 2,5 eurogan eskuratu ahal izango dute txartela), eta gainerako zaleek, ordea, 6 euroan.
GUazen KOPAREKIN erakusketara joateko txandak, gehienez, 30 minutukoak izango dira; goizez, sei txanda izango dira, 10:30etik 13:30era, eta arratsaldez, aldiz, bederatzi, 15:00etatik 19:30era. Erakusketa abuztuaren 31ra arte izango da zabalik.
Zure interesekoa izan daiteke
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu
Ibai Aguirrek 2031ra arte berritu du Realarekin
19 urteko Mutrikuko jokalariak, denboraldi honetan Sanserekin Bigarren Mailan jokatu duenak, debuta egin du jada lehen taldearekin
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.