Aperribay: "Sarrerak izendunak dira, eta pertsona bakoitzak bere izena edo beste bat sartu ahal izango du"
Jokin Aperribay Realeko presidenteak Errege Kopako finalerako sarreren xehetasun guztien berri eman du, azkenean martxoaren 18an, 13:00etan, egingo den zozketan.
Agerraldia egin du ostiral honetan Anoetan, sarreren zozketan sortutako eztabaidaren ostean. Realak asteazkenean jakinarazi zuen saritutako bazkide bakoitzak edonori utz diezaiokeela sarrera, eta erabaki horrek haserrea eragin zuen Realeko zaleengan.
Aperribayk azaldu duenez, klubak erabaki du Anoetan eserlekua duten bazkideek (32.654 bazkide) bakarrik izan dezaketela sarrera bat.
Eszenatoki horretan, antzinatasuna saritu ala ez planteatu zuten: "Klubean 25 urte edo gehiago daramatenekin geratzen gara", azaldu du.
Realak 21.838 sarrera ditu bazkideentzat. Zozketaren ondoren, erosketa-prozesua Espainiako Futbol Federazioaren plataforma ofizialean soilik egingo da apirilaren hasieran, eta Realak horren berri emango dio bazkide bakoitzari.
Zozketan sarituek La Cartujara doan pertsonaren datuak jarri ahal izango dituzte sarreran, bazkidea den edo ez kontuan hartu gabe. Prezioa 89 eta 282 euro artekoa izango da.
Hona hemen sarreren prezioak:
Gol Sur:
- 451 sarrera --> 89 €
- 3.980 sarrera --> 115 €
- 7.100 sarrera --> 133-144 €
- 5.937 sarrera --> 167-179 €
Tribuna:
- 376 sarrera --> 179-215 €
- 3.715 sarrera --> 136-248 €
- 794 sarrera --> 259-282 €
Harmaila nagusia:
- 112 sarrera --> 196 €
- 2.696 sarrera --> 259 €
- 519 sarrera --> 271-281 €
Zure interesekoa izan daiteke
Realak Madril CFF garaitu du, eta eskura dauka Txapeldunen Liga (2-0)
Realak 2-0 irabazi dio Madril CFF talde gogorrari Zubietan, eta datorren denboraldian Txapeldunen Ligan jokatzeko aukera ematen duen hirugarren postuan egonkortu da. Lavogezek eta Ceciliak sartu dituzte golak.
Realak garaipenari ihes egiten utzi dio erotzeko norgehiagokan Vallecasen (3-3)
Pellegrino Matarazzoren taldea 1-3 irabazten ari zen 75. minutuan, baina Rayok partida berdintzea lortu du luzapenean. Neurketaren azken txanpan denetarik gertatu da, eta polemika piztu da epailearen erabakiengatik.
Pablo Marin: “Amorru handia ematen du azken minutuetan puntuek ihes egiteak”
Pablo Marin Realeko jokalariaren adierazpenak, Rayo Vallecanoren aurka 3-3 berdindu ostean, EA Sports Ligako 32. jardunaldiko partidan. (Adierazpenak gaztelaniaz)
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Matarazzo: “Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Azpeitiak omenaldia egin die Unai Marrerori eta Oier Agirrezabalagari
Azpeitiarrek omenaldia egin diete Unai Marrerori eta Oier Agirrezabalagari, Realeko atezainari eta prestatzaile fisikoari. Herriak bere esker ona agertu die biei eta “herria horrela ikustea oso hunkigarria” izan dela adierazi du atezainak.
Realak Anoetan ospatu du Errege Kopako titulua, Ligan Getaferen aurka jokatu aurretik
EA Sports Ligako 33. jardunaldian, asteazkenean, Realak Getaferen aurka jokatu du, Anoetan; Getafeko futbolariek ohorezko pasilloa egin diete euskal taldeko jokalariei, eta txuri-urdinek zale guztiei eskaini diete Atletico Madrilen aurkako finalean irabazitako Errege Kopa.
Iglesiasek Oyarzabalen aurka egin du partida amaieran: “Ahoa eskuarekin estali du nire emaztearen kontrako hitzak esateko"
"Kapitainak, gero eredu izan nahi duenak, eskua ahoan jarri du nire emaztearen aurkako hitzak esateko. Horiek dira hemen dituzten balioak. Eskua ahoan jarri du koldar hutsa delako", esan du Getaferen atzelariak.
Jon Gorrotxategi: “Lehenengo zatian bota dugu partida”
Realak 0-1 galdu du Getaferen aurka, Errege Kopa irabazi eta ondorengo partida. Partidaren ostean Jon Gorrotxategirekin egon gara eta bere ustez lehen zatian bota dute partida, baina aurkarien jokatzeko erak ez du horri buelta ematen lagundu.
Realak Kopako ajea ordaindu eta Getaferen kontra galdu du Anoetan (0-1)
Talde madrildarra nagusitu da Anoetan, Gorrotxategik bere atean sartutako golari esker. Lehen zatian Brais Mendezek huts egin du penaltian, eta ez du baliatu txuri-urdinak markagailuan aurretik jartzeko aukera.