Realak Kopako ajea ordaindu eta Getaferen kontra galdu du Anoetan (0-1)
Talde madrildarra nagusitu da Anoetan, Gorrotxategik bere atean sartutako golari esker. Lehen zatian Brais Mendezek penaltia huts egin du, txuri-urdinak markagailuan aurretik jartzeko aukera.
Getafeko jokalariak gola ospatzen, Kubo atzean dagoela. Argazkia: EFE
Realak 0-1 galdu du Getaferen aurka Anoetan, EA Sports Ligako 33. jardunaldian. Matarazzoren taldeak Kopako ospakizunengatiko ajea ordaindu du, finalean Atletico Madrilen aurka lortutako garaipen historikoaren ostean, eta Bordalasen taldea gailendu zaio, Gorrotxategik bere atean sartutako golari esker.
Lehen zatian, txuri-urdinek markagailuan aurrea hartzeko aukera izan dute penalti baten bidez, baina Braisek zutoinera bidali du baloia. Handik gutxira iritsi da norgehiagoka erabaki duen gola. Gorrotxategik buruarekin ukitu du baloia atzera, eta Remiro gainditu du.
Bigarren zatian, Reala berdinketa lortzen saiatu da, Aramburu, Barrenetxea eta Oskarssonen bitartez, baina Matarazzoren futbolariei zorroztasuna falta izan zaie Soriaren ate aurrean.
Neurketaren amaieran, epaileak txistua jo eta berehala, bi taldeetako jokalarien arteko ika-mika izan da. Gauzak baretu direnean Realeko jokalariek Kopako garaikurra atera dute berdegunera, zale txuri-urdinei berriro eskaintzeko.
Juan Iglesias, Getafeko futbolaria
Oyarzabalek ahoa estali du nire emaztearen aurkako hitzak esateko
Partida amaierako liskar horri dagokionez, Juan Iglesias Getafeko futbolariak esan du Oyarzabalek bere emaztearen aurkako hitzak esan dituela, eta horretarako ahoa estali duela. "Bere taldeko kapitainak eskua ahoan jarri du nire emaztearen aurka egiteko. Horiek dira hemen dituzten balioak. Ahoa eskuarekin estali du potrorik ez duelako", erantsi du.
"Berak badaki zer esan duen, baina niretzat gordeko dut", gaineratu du, kapitain eibartarrak esan dionaz.
Zure interesekoa izan daiteke
Jon Gorrotxategi: “Lehenengo zatian bota dugu partida”
Realak 0-1 galdu du Getaferen aurka, Errege Kopa irabazi eta ondorengo partida. Partidaren ostean Jon Gorrotxategirekin egon gara eta bere ustez lehen zatian bota dute partida, baina aurkarien jokatzeko erak ez du horri buelta ematen lagundu.
Elustondoren aurkezpen hunkigarria, Oyarzabalek egina
Mikel Oyarzabalek oso aurkezpen hunkigarria egin dio, Aritz Elustondori Errege Kopako tituluaren ospakizunean.
Oskarssonek “Llevame a Sevilla” kanta abestu du
Oskarssonek Llevame a Sevilla kanta abestu du Errege Kopako ospakizunean.
Realak Kopa altxatu du, “We Are the Champions” abestiarekin
Realak Errege Kopa altxatu du, We Are the Champions abestia entzun bitartean.
Realaren omenezko aurreskua
Realaren Errege Kopako ospakizunetan, bi dantzarik aurreskua egin dute taldearen aurrean.
Txuri-urdinen apoteosia, Donostian, Realaren laugarren Kopa dela eta
Realak lortutako Koparen ospakizunek pozez bete dituzte Donostiako bazter guztiak. Süne abeslaria, Oskarsson, Marrero, Elustondo eta Oyarzabal jokalariak eta Pellegrino Matarazzo entrenatzailea izan dira ospakizun ofizialaren protagonista nagusiak.
Sünek, jokalariek eta plaza osoak “Txoria txori" abestu dute, festa ahaztezinari amaiera emateko
Realak lortutako Koparen ospakizunek pozez bete dituzte Donostiako bazter guztiak.
Marrero, finaleko heroia: “Kristorena da plaza beteta ikustea, ez duzue parekorik"
Atezainak Realeko langile guztiei eskerrak eman dizkie, "bihotz-bihotzez, ezkutuan egiten duten lanagatik". Zalei txuri-urdinei goza dezatela eskatu die, "momentu txarretan aldamenean" egon ondoren.
Mikel Oyarzabalek Udaletxeko balkoitik erakutsi du Kopa, eta zale guztiekin hitz egin du: “Berriz ere esan ahal dugu Kopako txapeldunak garela!”
Realaren kapitaina izan da aurrena Udaletxeko balkoian, eta Alderdi Ederren zeuden milaka lagunei zuzendu zaie.