Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Berdinketa batekin eman dio amaiera Sansek denboraldiari (1-1) Cultural Leonesaren aurka. Lehen zatia oso berdindua izan da, aukera gutxikoa, baina bigarren zatian ireki da norgehiagoka, 56. minutuan Ribeirok bisitariak aurreratu dituenean. Txuri-urdinen gola Arkaitz Mariezkurrenak egin du ezkerkada bikain batekin. Sailkapenari begira, ez zegoen ezer jokoan. Sansek duela aste pare bat lortu zuen salbazioa; Cultural Leonesak, berriz, bazekien hurrengo deboraldian ez duela Bigarren Mailan jokatuko.
Partida hasi eta minutu gutxira, donostiarrek penaltia eskatu dute Gorosabelen erremate baten ondoren korner batean. Epaileak ez du ezer adierazi. Hurrengo minutuetan, bi taldeen arteko berditasuna oso nabarmena izan da. Hori bai, Leoneko taldeak izan ditu aukera gehiago urrutitik botatako jaurtiketa pare batekin.
Atsedenaldiaren aurretik, Sansek bere presioa indartu du eta aurkariaren zelaian hasi da baloiak lapurtzen. Hala ere, ez Dadiek ezta Mariezkurrenak ere, ezin izan dituzte bere erremateak ondo bideratu atera bi korner jaurtiketetan. Ansotegiren mutilek kanpotarren bizkarra bilatu nahi izan dute denbora osoan, arrakasta handirik gabe, eta baloia areara bidaltzen zutenean ezin zuten inor aurkitu.
Bigarren zatia, berriz, askoz ere animatuagoa hasi da. Partida ireki egin da, eta bi taldeek markagailuan aurreratzea bilatu dute. Testuinguru horretan, Ribeiro izan da bizkorrena, 56. minutuan, bakarkako jokaldi oso on batekin Cultural Leonesa aurreratzeko.
Hala ere, pozak ez die 5 minutu baino gehiago iraun kanpotarrei, hori izan baita Arkaitz Mariezkurrenak partida berdintzeko behar izan duen denbora ezkerkada izugarri batekin.
Alternatibak etengabe gertatu dira hortik amaieraraino. Yayok argiena izan du bisitarientzat 83. minutuan, baina area barrutik ez du asmatu. Etxekoen aldetik, Astiazaranek buruz burukoa izan du 87. minutuan, baina ezin izan du aprobetxatu. Horren bestez, 1-1 amaitu da Sanseren denboraldiko azken partida. Datorren urtean Hypermotion Ligan arituko da berriro.
Zure interesekoa izan daiteke
Gorka Carrerak 2031 arte luzatu du kontratua Realarekin
Errenteriako aurrelaria, bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.
Ava Seelenfreund fitxatu du Realak
Kaliforniako aurrelaria Realeko jokalaria izango da 2028-2029 denboraldi amaierara arte
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.