Realak 3-0 irabazi dio Eibarri Zubietan jokatutako euskal derbia
Txuri-urdinak nagusitu dira armaginen aurkako F Ligako 17. jardunaldiko partidan. Intza Egigurenek lehena egin eta gero, bigarren zatian Eibarrek bere atean sartu ditu hurrengo bi golak.
Realak 3-0 irabazi dio Eibarri igande honetan Zubietan jokatu den 17. jardunaldiko euskal derbia.
17. minutuan zabaldu du markagailua Intza Egiguren anoetarrak. Bigarren gola Ane Etxezarretak egin du, bere atean, 78. minutuan; eta hirugarrena Eunate Astralagak, horrek ere bere atean, 88.ean. Ondorioz, talde txuri-urdinak irmo eutsiko dio sailkapeneko 3. postuari, 37 punturekin; armaginak, aldiz, 12. postuan daude, 17 punturekin.
Talde txuri-urdina konfiantza handiarekin aritu da partidaren hasieratik, eta azkar hartu du aurrea markagailuan, 17. minutuan, Intza Egigurenen bitartez. Nerea Eizagirreren pase bikaina jaso du baloia armaginen ate barrura sartzeko (1-0).
Realak patxadarekin jokatu du, eta Eibarren akatsak bilatu ditu. Bigarren gol aukera 37. minutuan etorri da, baina ezerezean geratu da, epaileak VARean berrikusi eta gero.
Olatu txikia hartu du lehen zatiaren hondarrean talde armaginak, eta oso gutxiagatik ez du berdinketa lortu 38. minutuan, Arrulak eragotzi baitu.
Bigarren zatiaren hastapenean, Eibarrek urrats bat aurrera egin du, talde armaginak hortzak erakutsi ditu, eta bizpairu argialdi izan ditu, baina ez du bere unea aprobetxatu.
Neurketak aurrera egin ahala, talde txuri-urdinak eroso jokatu du, eta 78. minutuan Arturo Ruizen taldearen bigarren gola etorri da, Ane Etxezarretak bere atean egindakoa.
Partidaren hondarrean, talde txuri-urdinaren nagusitasuna areagotu da, Ceciliak hegaletik aurrera egin du, atzelaria atzetik zuela, eta horren erdiraketa bere atean sartu du Astralaga atezainak (3-0).
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).