Realak ez du bere jokoa aurkitu Sevillaren aurka (0-1)
Realak 0-1 galdu du Sevillaren aurka igande honetan Reale Arenan jokatu den EA Sports Ligako 27. jardunaldiko partidan.
Norgehiagokako lehen minutuak nahiko parekatuak izan dira, baloiari eustean tematuta ibili dira talde bideak, aukerak sortzean baino. Txuri-urdinen kasuan, geldikako jokaldiak izan dira euren lagunik onenak. Zubeldiak eta Aguerdek markagailua irekitzeko abaguneak izan dituzte, baina gipuzkoarraren burukada gora joan da eta marokoarra ez da fin ibili, erremate kemengabea egin baitu, bakar-bakarrik zegoela.
Handik gutxira, Beckerrek ere aukera bat izan du, baina Nylandek atea babesteari eutsi dio. Sevillaren lehen abagunea Isaacen hanketan izan da, kontraeraso azkar batean, baina Marrerok ukabilak sendo jarri ditu eta jaurtiketa kanpora bota du.
Realak presioa egin du aurkarien zelaian, eta Sevillak zuloak bilatzeko eta arriskua sortzeko aprobetxatu du, abiadura aprobetxatuz, batez ere Lukebakioren hegaletik, eta horrek Javi Lopezi lana zaidu dio.
Bigarren zatia hasi orduko, Sevillak markagailua ireki du. Kontraeraso azkar bat izan da, eta Ejukek behar beste tarte hartu du baloia urrutiko zutoinean jartzeko, eta Marrerok ezin izan du gelditu (1-0).
Ordubete igarota, zutoinak salbatu du Reala, Isaacen jaurtiketak sarea jotzea eragotzi baitu, Marrerok apur bat ukitu ondoren. Egoera aldatzera behartuta, Imanolek lau aldaketa egin ditu batera: Oyarzabal, Barrenetxea, Zubimendi eta Traore zelairatu ditu Olasagasti, Turrientes, Becker eta Arambururen ordez.
Hala ere, txuri-urdinak oso trakets aritu dira erasoan, ideia faltarekin. Zenbaitetan, sevillatarren bigarren gola gertuago egon da Donostiako taldearen lehena baino. Azkenean, Realak porrot, eta aurkaria sailkapenean aurrean du.
Fitxa teknikoa:
0 - Reala: Marrero; Aramburu (Traore, 61. min), Zubeldia, Aguerd, Javi Lopez; Turrientes (Zubimendi, 61. min), Olasagasti (Oyarzabal, 61. min), Marin; Becker (Barrenetxea, 61. min), Oskarsson eta Sergio Gomez (Kubo, 78. min).
1 - Sevilla: Nyland; Carmona, Bade, Kike Salas, Pedrosa; Sow, Agoume, Ñíguez (Peque, 83. min); Lukebakio (Idumbo, 90+2. min), Romero (Juanlu Sanchez, 70. min) eta Ejuke (Sambi, 70. min).
Gola: 0-1, 47. min: Ejuke.
Epailea: Victor Garcia Verdura. Txartel oria atera die Marin, Traore eta Sambi jokalariei.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.