Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Realak eta Real Oviedok berdinduta amaitu dute (3-3) Anoetan jokatu duten EA Sports Ligako 25. jardunaldiko partida.
Matarazzoren mutilek 0-2ko desabantaila irauli, eta 3-2koa egin dute 90. minutuan, baina Oviedok berdinketaren gola sartu du 93.ean (3-3).
Lehen zatia motela eta aukerarik gabea izan da, erritmo txikikoa eta zirrararik gabea. Realak zailtasunak izan ditu baloiarekin nagusitzeko eta arriskua sortzeko, eta Oviedok sortu du arrisku handiena lehen 45 minutuetan. Hala ere, Remirok segurtasuna eman du atepean, eta markagailua hutsean iritsi da atsedenaldira.
Bigarren zatian, ordea, dena aldatu da. Fede Viñasek buruz sartu du 0-1ekoa korner batean, eta hiru minutu geroago, 0-2koa egin du.
Oskarssonek itxaropena eman die etxekoei buruz egindako erremate on bat sare barrura bidalita (1-2), eta, hortik aurrera, Realak estutu egin du.
Harmailen bultzadarekin, txuri-urdinek sinesten jarraitu dute, eta Caleta-Carrek berdinketa jarri du markagailuan 86. minutuan, beste korner batean (2-2).
Zoramena 90. minutuan iritsi da, Guedesen pase bat baliatuta, Oskarssonek 3-2koa egin duenean.
Baina pozak ez du luze iraun. Luzapenean, 93. minutuan, Oviedok beste korner bat atera du, eta Sibok behin betiko 3-3koa jarri du markagailuan.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.