Reala, Europa Ligako bere multzoan lider amaitzeko erronkaren aurrean
Bi taldeek aukera dute multzoen fasea lider gisa amaitzeko. Horrek aukera emango lieke final-zortzirenetako txandara zuzenean sartu eta Txapeldunen Ligatik etorritako talderen baten aurkako aurretiko kanporaketa saihesteko.
Txuri-urdinek hiru puntuko aldea dute Erik Ten Hagek zuzentzen duen taldearekiko, lehen jardunaldian Old Trafforden irabazi baitzuen (0-1) Braisek penaltiz sartutako golari esker. Imanol Alguacilen taldearen garaipen historiko horri esker, Realak nahikoa du bihar deabru gorrien aurka gol bategatik galtzearekin, lehen postua ziurtatzeko.
Donostiarrentzat arazo nagusia bajak dira. Min hartuta daude David Silva, Ander Barrenetxea, Take Kubo, Mohamed-Ali Cho, Aihen Muñoz, Mikel Oyarzabal eta Sadiq Umar. Zalantza nagusia Alex Sola da; izan ere, behin belauneko mina sendatuta, hiru entrenamendu osatu ditu taldearekin batera arazorik gabe, eta deialdian sartzeko moduan egon daiteke.
Horrenbestez, ez dago batere argi zein izan daitekeen donostiarren hasierako hamaikakoa, Imanol Alguacilek sistema aldatzea ere plantea baitezake. Defentsan, Aritz sar daiteke eskuin hegalean, Gorosabel ez behartzeko, eta, ziurrenik, Zubeldiak Pacheco ordezkatuko du. Guevarak Zubimendiri atseden emateko aukera izan dezake eta litekeena da Illarrak zelai erdian jokatzea. Goian, zaila dirudi Navarro edo Karrikaburu hasieratik zelairatzea, beraz Carlos Fernandezek eta Sorlothek errepikatuko lukete.
Manchester Unitederi dagokionez, talde ingelesaren bolada txarrak etenaldia izan duela esan daiteke, Erik Ten Hagen taldeak ez duelako galdu azken hilabetean. Herbehereetako entrenatzaileak azkenaldiko United talde seguruena elkartzea lortu du, jokatutako azken sei neurketetan gol bakarra jaso baitu.
Balizko hamaikakoak:
Reala: Remiro; Aritz, Zubeldia, Le Normand, Rico; Zubimendi, Merino, Illarramendi edo Marín, Brais; Carlos Fernández eta Sorloth.
Manchester United: De Gea; Dalot, Martínez, Maguire, Shaw; Casemiro, Eriksen, Fernandes; Elanga, Rashford eta Cristiano.
Epailea: Georgi Kabakov (Bulgaria).
Zelaia: Reale Arena.
Ordua: 18:45
Zure interesekoa izan daiteke
Jon Ansotegi: "Kosta egin zaigu baina pozik nago, garaipena heldu delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.