Realak PSVren aurka garaipena lortuta ekin nahi dio Europa Ligari
Realak gaur ekingo dio Europa Ligako multzoen faseari, PSV Eindhoven taldearen aurka jokatuko duen partidarekin. Neurketa 21:00etan hasiko da Eindhoveneko Philips Stadionean.
Imanol Alguacilek zuzentzen duen taldeak lau jokalari ditu min hartuta; Ander Barrenetxea, Nacho Monreal, Diego Rico, Carlos Fernandez eta Jon Guridi. Asier Illarramendi prest dago lesioa gainditu ostean, baina ez dirudi hasierako hamaikakoan sartuko denik. Ez dira aldaketa asko itxaroten Cadizen aurka Ligan jokatu zuen partidakoarekin alderatuta. Taldea bolada onean dago, eta ahalik eta aldaketa gutxien egin nahi ditu Imanol entrenatzaileak.
Bestalde, PSV Eindhoven ondo iristen da Realaren aurkako norgehiagokara, Herbehereetako ligan (Eredivisie) orain arte jokatu dituen lau partidak irabazi egin baititu, eta lidergoan baita. Roger Scmidt entrenatzaileak ezingo du Ibrahim Sangare erdilaria zelairatu, lesionatuta dagoelako, eta afrikarraren ordez Olivier Boscaglik jokatuko du. Badirudi, Davy Pröpper erdilaria eta Maximiliano Romero aurrelaria ez direla jokatzeko prest egongo, arazo fisikoak baitituzte. PSVk Carlos Vinicius fitxatu zuen merkatuko azken egunean, Benficatik, baina aurrelariak oraindik ez du partidarik jokatu Herbehereetako taldearekin, bere lan-baimena tramitatzen ari baita oraindik.
Eindhoveneko taldean Realeko futbolari ohia den Armindo Tue Na Bangna "Bruma" jokalaria dago. Talde txuri-urdinean jokatu zuen utzita 2015-2016 denboraldian.
Ustezko hamaikakoak:
PSV Eindhoven: Drommel; Max, Obispo, Ramalho, Mwene; Boscagli, Van Ginkel; Gakpo, Götze, Madueke edo Bruma; eta Zahavi edo Vinicius.
Reala: Remiro; Zaldua, Aritz, Le Normand, Muñoz; Zubimendi, Silva, Merino; Januzaj, Oyarzabal eta Isak.
Epailea: William Collum (Eskozia).
Estadioa: Philips Stadion.
Ordua: 21:00etan.
Zure interesekoa izan daiteke
Jon Ansotegi: "Kosta egin zaigu baina pozik nago, garaipena heldu egin delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldearen entrenatzaile gisa duen erronkarekin. Esan du lehen erronka bihar, asteartez, Eldenseren kontrako Errege Kopako partida irabaztea dela.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.