Puntu gazi-gozoa lortu du Osasunak Betisen aurkako partida bizian (1-1)
Andaluziako taldea azkar aurreratu da markagailuan, Abdek sartutako golari esker, baina gorritxoek atsedenaldia heldu baino lehen berdindu dute emaitza. Budimirrek egin du gola, penaltiz.
Osasunak 1-1 amaitu du Betisen kontra Sadarren jokatu duen EA Sports Ligako partida bizia. Andaluziako taldea azkar aurreratu da markagailuan, Abdek sartutako golari esker. Gorritxoek atsedanaldia heldu baino lehen berdindu dute emaitza. Budimirrek egin du gola, penaltiz.
Oro har, Alessio Lisciren taldea hobea izan da, eta Victor Muñozek sekulako partida egin du. Alabaina, Valles atezaina erabakigarria izan da, eta, azkenean, berdinketarekin bukatu da norgehiagoka. Puntu gazi-gozoa Osasunarentzat, garaipena behar zuelako datorren denboraldian Lehen Mailan jarraituko duela ziurtatu eta Europako postuak eskuratzeko borrokan sartzeko.
Osasunari hasieratik jarri zaio neurketa aldapa gora; izan ere, Abdek zazpigarren minutua bete orduko egin du 0-1ekoa. Osasunako jokalari ohiak ez du gola ospatu.
Sevillako taldea ondo aritu da, Fornalsen zuzendaritzapean, eta arriskua sortu du. Alabaina, pixkanaka, atzera egin du, eta Alessio Lisciren mutilek, berriz, aurrera jo dute.
Betisen jokalari arriskutsuena Abde izan da, eta etxeko taldean Victor Muñozek hartu du aurkaria zirikatzeko akuilua.
Markagailua berdindu duen gola penaltiz egin du Osasunak. Ruben Garciak atera du kornerra, eta Budimirren burukada Vallesek aldaratu du, modu ikusgarrian, baina baloia bigarren zutoinaren inguruan gelditu da, eta Valentin Gomezek Herrandoren hanka jo du, baloia urruntzen saiatu denean. Sesma Espinosa epaileak penaltia adierazi du, eta Budimirrek ez du hutsik egin: 1-1.
Bigarren zatian, Osasunak Sadarren ohiko duen ausardiarekin jokatu du, eta garaipenaren bila joan da. Victor Muñozek partida bikaina egin du, eta arrisku handia sortu du.
Tamalez, partidako beste protagonista nagusia Valles atezaina izan da. Geldiketa erabakigarriak egin ditu, eta, azkenean, ez da gol gehiago izan. Horrenbestez, puntu banaketarekin bukatu da Osasunaren eta Betisen arteko norgehiagoka.
Zure interesekoa izan daiteke
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.