Osasunak puntu bat eskuratu du, Sevillaren kontra 1-1 berdinduta
Osasunak 1-1 berdindu du Sevillarekin Sanchez Pizjuan estadioan igande honetan, urtarrilaren 28an, jokatutako EA Sports Ligako 22. jardunaldiko norgehiagoka. Galtzen hasi dira gorritxoak, baina bigarren zati ona eginda neutralizatu dute aurkariaren gola.
Sevilla erasokor zelairatu da, eta abagune argia izan du seigarren minutuan; Sergio Herrera atezainak, ordea, gola eragotzi du Isaac Romeroren errematea desbideratuta. Ondoren, Osasuna saiatu da baloi-jabetza izaten, baina ez du arriskurik sortu aurkariak babestutako atean. Neurketa parekatu dela zirudienean, aldiz, Sevillak gola sartu du: Isaac Romerok jarri du 1-0ekoa markagailuan, Catena atzean utzi eta area barrutik egindako jaurtiketarekin Herrera gaindituta.
Gola jaso ostean, Osasuna aurrerapausoa ematen saiatu da. Hala ere, gorritxoei kosta egin zaie abagune argiak sortzea. Andaluziako taldeak ez du Osasuna gehiegi estutu, nahiz eta ezer gutxirekin Nafarroako taldeari min egin dion. Herrerak erantzun bikaina eman dio Ocamposen erremateari 30. minutuan. Osasunaren erantzuna hiru minutu geroago etorri da, baina Moi Gomezen jaurtiketa Nyland atezainak gelditu du.
Bigarren zatian, hobeto zelairatu da Osasuna. Jagoba Arrasatek zuzendutako taldea baloiaren jabe egin da, eta atzean sartu du Sevilla. Gorritxoak erasoan ekinean ibili dira, eta saria jaso dute 55. minutuan; David Garciak jo du baloia area barruan, eta Budimirrek ate barruan sartu du (1-1) taldekidearen errematea baliatuta.
Nagusi izan da Osasuna bigarren zatian. Sevilla ezinean ibili da, eta, ondorioz, Nafarroako taldeari kosta egin zaio gola sartzeko aukera argiak sortzea. Azken minutuak futbolari bat gutxiagorekin jokatu ditu Sevillak, Susok txartel gorria ikusi baitu 86. minutuan Aimar Orozi egindako faltarengatik.
Osasunak erasora jo du itsu-itsuan azken minutuetan. Aimar Orozek izan du gorritxoen bigarren gola sartzeko aukera, 89. minutuan, baina jaurtiketa kanpora joan zaio gutxigatik. Sevilla ezinean ibili da. Hala ere, gola gertu izan du 94. minutuan, baina Herrerak desbideratu du Sergio Ramosen jaurtiketa.
Amaieran, banako berdinketa Sanchez Pizjuanen, eta puntu bat talde bakoitzarentzat.
Fitxa teknikoa:
1 - Sevilla: Nyland; Jesus Navas (Juanlu, 71. min), Badé, Sergio Ramos, Marcao (Rafa Mir, 71. min), Acuña (Pedrosa, 59. min); Suso, Soumare, Agoume (Sow, 59. min) (Oliver Torrres, 67. min); Isaac Romero, Ocampos.
1 - Osasuna: Sergio Herrera; Ruben Peña (Areso, 66. min), David Garcia, Catena, Juan Cruz, Mojica; Ibañez (Moncayola, 75. min), Iker Muñoz, Moi Gomez (Aimar, 75. min); Raul Garcia (Arnaiz, 83. min), Budimir.
Golak: 1-0, 24. min: Isaac. 1-1, 55. min: Budimir.
Epailea: Cuadra Fernandez. Txartel gorria atera dio Susori (86. min), Aimar Orozi egindako faltarengatik. Gainera, txartel horia atera die Agoume (6. min), Soumare (56. min) eta Sergio Ramos (84. min) Sevillako jokalariei.
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.